Author: નોબત સમાચાર
મકાન મુદ્દે મનદુઃખના કારણે ધ્રોલમાં દંપતી પર છરી તથા પથ્થરથી હુમલો
પતિ-પત્નીએ ધમાલ મચાવી બારીનો કાચ ફોડ્યોઃ
જામનગર તા. ૧૬: ધ્રોલની રાધે પાર્ક સોસાયટીમાં રહેતા એક મહિલાના ઘર પાસે ત્રણ સપ્તાહ પૂર્વે સાંજના સમયે ધસી આવેલા મૂળ ધ્રોલના અને હાલમાં મોરબીમાં રહેતા દંપતીએ મકાન બાબતે ચાલતા મનદુખના કારણે ગાળો ભાંડ્યા પછી ઢીકાપાટુ, પથ્થર, છરીથી હુમલો કર્યાે હતો અને બારીનો કાચ તોડી નાખ્યો હતો.
ધ્રોલ શહેરની રાધેપાર્ક સોસાયટીમાં રહેતા ખુશ્બુબેન વસીમભાઈ ડોસાણી નામના મહિલાએ મૂળ ધ્રોલ અને હાલમાં મોરબીના વીસીપરા ફાટક પાસે રહેતા સોયબ બશીરભાઈ ડોસાણી, ખતીજાબેન સોયબભાઈ ડોસાણી સામે ગઈકાલે ધ્રોલ પોલીસ મથકમાં ફરિયાદ નોંધાવી છે.
ફરિયાદમાં જણાવવામાં આવ્યા મુજબ મકાન બાબતે ખુશ્બુબેન તથા સોયબભાઈ વચ્ચે ચાલતા મનદુખ વચ્ચે ગઈ તા.૨૧ની સાંજે સોયબ તથા ખતીજાબેન ધ્રોલ આવી ખુશ્બુબેનના ઘર બહાર ઉભા રહી ગાળો ભાંડતા હતા. તેઓને વસીમભાઈએ ગાળો બોલવાની ના પાડતા સોયબે ઢીકાપાટુથી હુમલો કરી માર માર્યાે હતો અને ખતીજાબેને પથ્થરથી ખુશ્બુબેન પર હલ્લો કર્યાે હતો. તે ઉપરાંત ખતીજાબેને છરી બહાર કાઢી વસીમભાઈના હાથમાં ઈજા કરવા ઉપરાંત મકાન પર પથ્થરનો ઘા કરતા બારીનો કાચ ભાંગી ગયો હતો. પોલીસે ગુન્હો નોંધી તપાસ હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
