દેવભૂમિ દ્વારકા જિલ્લામાં ક્ષતિગ્રસ્ત માર્ગોની મરામતની કામગીરી પૂરજોશમાં

Author: નોબત સમાચાર

દેવભૂમિ દ્વારકા જિલ્લામાં ક્ષતિગ્રસ્ત માર્ગોની મરામતની કામગીરી પૂરજોશમાં

રાજ્યમાં ક્ષતિગ્રસ્ત માર્ગોને તાત્કાલિક મરામતની સૂચના પછી

દેવભૂમિ દ્વારકા તા. ૧૪ઃ રાજ્યના મુખ્યમંત્રીશ્રી ભૂપેન્દ્રભાઈ પટેલ દ્વારા રાજ્યમાં ક્ષતિગ્રસ્ત થયેલા માર્ગોને તાત્કાલિક મરામતની સૂચના આપવામાં આવી છે. જેના પગલે દેવભૂમિ દ્વારકા જિલ્લામાં કલેકટરશ્રીના માર્ગદર્શન હેઠળ માર્ગ અને મકાન વિભાગ (પંચાયત) દ્વારા જિલ્લામાં ક્ષતિગ્રસ્ત થયેલા માર્ગો પર પેચવર્કની કામગીરી ત્વરિત ધોરણે શરૃ કરી દેવામાં આવી છે. હાલ દેવભૂમિ દ્વારકા જિલ્લામાં વરસાદે પણ વિરામ લેતા માર્ગ અને મકાન વિભાગ (પંચાયત) દ્વારા કલ્યાણપુર તાલુકામાં ક્ષતિગ્રસ્ત થયેલા માર્ગો પર વેટમિક્ષ કરી મરામત કામગીરીની કરવામાં આવી રહી છે.

ભાટિયા-ભોગાત લીંબડી રાણ-ગુરગઢ રોડનું સમારકામ કરાયું

દેવભૂમિ દ્વારકા જિલ્લામાં ચોમાસાનાં પગલે નુકસાન પામેલ રસ્તાઓનો સર્વે કરીને તેને રીપેર કરવાનું કામ જિલ્લા વહીવટી તંત્ર દ્વારા તુરંત શરુ કરી દેવાયું છે. માર્ગ અને મકાન વિભાગ પંચાયત તેમજ સ્ટેટ અંતર્ગતના જિલ્લામાં વિવિધ સ્થળોએ નુકસાન પામેલ રસ્તાઓ ઝડપથી દુરસ્ત કરવામાં આવી રહૃાાં છે. આ અનુસંધાને ડામર પેચવર્ક દ્વારા ભાટિયા-ભોગાત રોડ અને લીંબડી રાણ-ગુરગઢ રોડનું સમારકામ કરવામાં આવ્યું હતું.

રાજપરા એપ્રોચ રોડ રાજપરા ધતુરીયાના માર્ગનું સમારકામ

દેવભૂમિ દ્વારકા માર્ગ અને મકાન વિભાગ દ્વારા રાજપરા અપ્રોચ રોડ અને રાજપરા ધતુરીયાના રસ્તાનું સમારકામ કરવામાં આવ્યું હતું. દેવભૂમિ દ્વારકા જિલ્લા વહીવટ તંત્ર દ્વારા ભારે વરસાદની સ્થિતિના કારણે ક્ષતિગ્રસ્ત થયેલ રસ્તાઓના સમારકામ માટેની ઝડપી અને કાર્યક્ષમ કામગીરી હાથ ધરવામાં આવી છે. જે અંતર્ગત રાજપરા અપ્રોચ રોડ અને રાજપરા ધતુરીયાના માર્ગ પર પડેલા ખાડાઓના કારણે મુશ્કેલીનો સામનો કરવો પડી રહૃાો હતો. જેના પગલે માર્ગ અને મકાન વિભાગ દ્વારા તાત્કાલિક રોડ સમારકામની કામગીરી હાથ ધરી પેચ વર્ક કરવામાં આવ્યું હતું અને રસ્તાને વાહન વ્યવહાર માટે સુગમ બનાવવામાં આવ્યો હતો.

જો આપને આ પોસ્ટ ગમી હોય તો શેર કરો...