Author: નોબત સમાચાર
સ્કૂટરમાં ઈંગ્લીશ દારૂની ત્રણ બોટલ તથા બીયરના કેન સાથે જતાં બે શખ્સ ઝડપાયા
સરૂ સેક્શન રોડ પરથી એક બોટલ સાથે પકડાયોઃ
જામનગર તા. ૨૭: જામનગરના સમર્પણ સર્કલ નજીકથી બે એક્સેસ સ્કૂટરમાં લઈ જવાતી ઈંગ્લીશ દારૂની ત્રણ બોટલ તથા બીયરના બે કેન પોલીસે કબજે કરી બંને સ્કૂટર ચાલક સામે ગુન્હો નોંધ્યો છે. જ્યારે સરૂ સેક્શન રોડ પરથી એક શખ્સ દારૂની બોટલ સાથે ઝડપાઈ ગયો છે.
જામનગરના સમર્પણ સર્કલથી મહાકાળી સર્કલ તરફ જવાના રસ્તા પર ગઈકાલે રાત્રે જઈ રહેલા જીજે-૧૦-ઈજી ૭૦૭ તથા જીજે-૬-ક્યુજી ૧૧૧૧ નંબરના બે એક્સેસ સ્કૂટરને પેટ્રોલિંગમાં રહેલા સિટી સી ડિવિઝનના પોલીસ કાફલાએ રોકાવી સ્કૂટરની તલાશી લીધી હતી.
ઢીંચડા રોડ પર રવિ પાર્કમાં રહેતા યશપાલસિંહ રાજેન્દ્રસિંહ જાડેજા તથા ગાંધીનગરની શેરી નં.૪માં રહેતા ધર્મેન્દ્રસિંહ ઘનશ્યામસિંહ ગોહિલ નામના આ સ્કૂટરના ચાલકો પાસેથી ઈંગ્લીશ દારૂની ત્રણ બોટલ તથા બીયરના બે કેન મળી આવ્યા હતા. પોલીસે બોટલ તથા કેન કબજે કરી બંને સામે ગુન્હો નોંધ્યો છે.
જામનગરના સરૂ સેક્શન રોડ પરથી ગઈકાલે સાંજે પસાર થતાં મૂળ ગિર સોમનાથ જિલ્લાના ઉના તાલુકાના જૂના ઉગલા ગામના વતની અને હાલમાં ખોડિયાર કોલોની વિસ્તારમાં રહેતા હિતેશ લખુભાઈ ગોહિલ નામના શખ્સના કબજામાંથી પોલીસે ઈંગ્લીશ દારૂની બોટલ કબજે કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
