ઈરાને બ્રિટનનું ઓઈલ ટેન્કર કબ્જે કર્યુંઃ બ્રિટને કહ્યું પરિણામ ભોગવવા માટે રહો તૈયાર / હાફિઝની ધરપકડ એક નાટકઃ જેલમાં નહીં પણ જેલરના બંગલા રહે છે હાફિઝ / અમેરિકામાં માનવતસ્કરી કરનાર એક ગુજરાતી મહિલાને ત્રણ વર્ષની જેલ સજાઃ તેમજ લાખો ડોલરનો દંડ /

ડો. અમિત મહેતાની હોસ્પિટલ બની આંખના રોગો માટેની સુપર સ્પેશ્યાલીટી હોસ્પિટલ

જામનગરના જાણીતા આંખના ડોક્ટર અમિત મહેતા છેલ્લા ૩૪ વર્ષથી આંખના રોગોના દર્દીઓની શ્રેષ્ઠ સારવાર કરી રહ્યાં છે. તેમની સફળ પ્રતિષ્ઠિત કારકીર્દિ અને સેવાયાત્રામાં નવો મુકામ આવી રહ્યો છે. તેમના પુત્ર રેટીના સ્પેશ્યાલીસ્ટ ડો. રૃચીર મહેતા તેમજ પુત્રવધૂ પીડીયાટ્રીક ઓપ્થાલમોલોજીસ્ટ (બાળકોની આંખના ડોક્ટર) ડો. નેહા રાકા મહેતા પણ હવેથી પી.એન. માર્ગ પર આવેલ ડો. અમિત મહેતાની હોસ્પિટલમાં નિયમિત સેવા આપશે. મહેતા હોસ્પિટલ આંખના રોગો માટે નગરની પ્રથમ સુપર સ્પેશ્યાલીટી હોસ્પિટલ છે.

ડો. અમિત મહેતા, ડો. રૃચિર મહેતા તથા ડો. નેહા-રાકા-મહેતાએ 'નોબત' ના પત્રકાર આદિત્ય સાથે સંવાદ કર્યો હતો.

જામનગરની સેન્ટ ઝેવિયર્સ સ્કૂલના વિદ્યાર્થી રહી ચૂકેલા ડો. રૃચિર મહેતાએ ચેન્નાઈના પ્રસિદ્ધ શંકર નેત્રાલય તથા દાહોદના દૃષ્ટિ નેત્રાલયમાંથી તબીબી શિક્ષણ મેળવ્યું છે. ઉપરાંત તેમણે હૈદ્રાબાદના પ્રસિદ્ધ ડો. સુભદ્રા જલાની પાસેથી રેટીનોપેથી ઓફ પ્રિમેચ્યોરીટી (આર.ઓ.પી.) અંગે તાલીમ પ્રાપ્ત કરી છે. આર.ઓ.પી. એ ગર્ભાવસ્થામાં ૩૪ અઠવાડિયાથી પહેલા જન્મેલા અથવા ૧ કિલો ૭૦૦ ગ્રામ કે તેથી ઓછું વજન ધરાવતાં નવજાત બાળકોમાં જોવા મળતો આંખનો રોગ છે. આ રોગનું બાળકના જન્મના ૩૦ દિવસથી અંદર એટલે કે, બાળક ૧ મહિનાનું થાય ત્યાં સુધીમાં નિદાન થવું જરૃરી છે. તો જ તેની સમયસર અને સચોટ સારવાર થઈ શકે.

આર.ઓ.પી.ની સારવાર કરનાર ડો. રૃચિર મહેતા નગરના પ્રથમ અધિકૃત અને તાલીમબદ્ધ ડોક્ટર કહી શકાય. તેઓ સી.એમ. સેતુ યોજના હેઠળ છેલ્લા છ મહિનાથી જી.જી. હોસ્પિટલમાં આર.ઓ.પી.ના બાળદર્દીઓનું નિદાન તથા સારવાર કરે છે. તેમણે અત્યાર સુધીમાં જી.જી. હોસ્પિટલમાં સાત બાળકોની આર.ઓ.પી.ની સફળ સારવાર કરી છે.

ડો. રૃચીર મહેતા રેટીના સ્ટેશ્યાલીસ્ટ છે. આંખના પડદાને લગતી બીમારીઓના તેઓ તજજ્ઞ છે. મહેતા સુપર સ્પેશ્યાલીટી હોસ્પિટલમાં આંખના પડદાની તપાસ, આંખની સોનોગ્રાફી વિગેરે સુક્ષ્મ તબીબી તપાસણી માટે અત્યાધુનિક મેડિકલ સાધનો ઉપલબ્ધ છે.

ડો. રૃચીર મહેતાના પત્ની ડો. નેહા રાકા મહેતા પીડીયાટ્રીક ઓપ્થાલમોલોજીસ્ટ તથા સ્ટ્રેબીસ્મોલોજીસ્ટ એટલે કે બાળકોની આંખના રોગોના નિષ્ણાત છે. ચેન્નાઈના શંકર નેત્રાલય તથા પૂણેના પ્રતિષ્ઠિત એચ.વી. દેસાઈ ઈન્સ્ટિટયુટમાંથી તેમણે મેડિકલ એજ્યુકેશન પ્રાપ્ત કર્યુ છે. ડો. નેહા બાળકોમાં ત્રાંસી આંખની સમસ્યા, જન્મજાત મોતીયો વિગેરે રોગોના તજજ્ઞ છે. વાંચી-બોલી ન શકતા હોય તેવા પાંચ વર્ષ સુધીના બાળકોમાં આંખના રોગોની જાણકારી મેળવવી ખૂબ કઠીન હોય છે, અને જ્યારે બાળક મોટું થઈ ફરિયાદ કરે ત્યારે સમસ્યાની જાણ કરે છે, પરંતુ ત્યારે નિદાનમાં મોડું થઈ જવાથી સંપૂર્ણ સારવાર થઈ શકતી નથી. ડો. નેહા પાંચ વર્ષ સુધીના બાળકોના માતા-પિતાઓને પ્રતિવર્ષ બાળકની આંખની તપાસ કરાવવાનો અનુરોધ કરે છે. જેથી કોઈ સમસ્યા હોય તો તેનું સમયસર નિદાન અને સારવાર થઈ શકે.

વાંચી-બોલી ન શકતા બાળકોની આંખની તપાસ માટે ખાસ પ્રકારના ચાર્ટ તેમજ મેડિકલ સાધનોનો ઉપયોગ થાય છે જે સામાન્ય આંખના ડોક્ટરો પાસે ઉપલબ્ધ હોતા નથી. મહેતા સુપર સ્પેશ્યાલીટી હોસ્પિટલમાં આવા સાધનો તેમજ તજજ્ઞ તરીકે ડો. નેહા ઉપલબ્ધ હોવાથી બાળકોની આંખના રોગોની તપાસ તેમજ આંખની ચકાસણી માટે નગરજનોને શ્રેષ્ઠ તબીબી સુવિધા પ્રાપ્ત થઈ છે.

માનવીમાં દૃષ્ટિનો મહત્તમ વિકાસ જન્મ પછીના પાંચ વર્ષ સુધીમાં એટલે કે, બાલ્યાવસ્થામાં જ થતો હોય છે. માટે જ બાળક સ્વસ્થ હોય તો પણ સાવધાનીરૃપે આંખની તપાસ સમયાંતરે અચૂક કરાવવી જોઈએ. ખાસ કરીને પરિવારમાં આંખના રોગોની હિસ્ટ્રી ધરાવતા બાળકોના વાલીઓએ વિશેષ કાળજી લઈ નિયમિત બાળકોની આંખની તપાસ કરાવતા રહેવી જોઈએ. મહેતા સુપર સ્પેશ્યાલીટી હોસ્પિટલમાં તબીબી ક્ષેત્રના પ્રમાણિત માપદંડો અનુસારનું અત્યાધુનિક ઓપરેશન થિયેટર બનાવવામાં આવ્યું છે. જેથી દર્દીઓને શ્રેષ્ઠ સારવાર આપી શકાય. પડદાની તપાસ માટેની ઓસીટી મશીન, ફેડસ કેમેરા વિગેરે આંતરાષ્ટ્રીય સ્તરના મેડિકલ સાધનો અને તજજ્ઞ તથા તાલીમબદ્ધ ડોક્ટર અમિત મહેતા, ડો. રૃચિર મહેતા તથા ડો. નેહા રાકા મહેતાને કારણે મહેતા હોસ્પિટલ તમામ વયના આંખના દર્દીઓ માટે સંજીવની કેન્દ્ર સમાન છે.

હવામાન

weather

શબ્દવ્યુહ

MARKET

માર્કેટ યાર્ડ - હાપા, જામજોધપુર, જામનગર બ્રાસ સીટી:

માર્કેટ યાર્ડ - હાપા   ઘઉં ....242 ...383 । મગ ....800 ...1680 । લસણ ....160 ...805 । ચણા। ....160 ...805   માર્કેટ યાર્ડ - જામજોધપુર   કપાસ। ....780 ...937 । જીરૂ। ....2600 ...3125 । અરેંડા। ....650 ...729   જામનગર બ્રાસ સીટી   બ્રાસ હાની ઢાંળો ...315.00 । બ્રાસ હાની વાસંણ ...327.00 । બ્રાસ હાની પાઈપ ...329.00 । બ્રાસ વિલાયતી ....310.00
close
Nobat Subscription