તેલંગણાઃ કોંગ્રેસે જાહેર કરી ૬પ જેટલા ઉમેદવારોની પ્રથમ યાદીઃ / આગામી ર૪ કલાકમાં તામિલનાડુના દરિયાકાંઠે ગાજા વાવાઝોડું ત્રાટકવાની શક્યતા / બિહારના ડેપ્યુટી સીએમ અને સૌરભ પટેલ સ્ટેચ્યુ ઓફ યુનિટીની લિફટમાં ફસાયા / દુષ્કાળના કારણે કચ્છથી ૬૦૦ પશુઓ સાથે માલધારીઓ રાજકોટ આવી પહોંચ્યા

જયેશભાઈએ "સળગતું" લીધું કે કોઈએ પકડાવી દીધું...?

હાલારમાં ભર શિયાળે જાણે કે હોળી પ્રગટી અને ખેડૂતોનો રોષ ફાટી નીકળ્યો, તો સૌરાષ્ટ્રમાં પણ ઠેર-ઠેર મગફળીના ટેકાના ભાવે ખરીદી કરવાના કેન્દ્રો પર અવ્યવસ્થા અને અંધાધૂંધી સર્જાઈ, જેથી મગફળી ખરીદીનો સરકારનો અભિગમ ખૂબ જ ટીકાપાત્ર અને વિવાદિત બન્યો છે.

જામનગરના યાર્ડમાં ખેડૂતોને સંદેશો મોકલ્યા પછી ખેતીની જણસોની ખરીદીની પ્રક્રિયાનો પુરવઠા તંત્રના સ્ટાફનો ઓછો અનુભવ, પૂર્વ આયોજનનો અભાવ અને એક ગુણીમાં ૩પ કિલો મગફળી ભરવી કે ૩૦ કિલો ભરવી તેના વિવાદ વચ્ચે ખરીદી મોડી શરૃ થઈ અને ખેડૂતો દ્વારા ભારે રોષ વચ્ચે તંત્રોની બેદરકારી અથવા ચાલાકી તેમજ કૃષિમંત્રીના વિસ્તારમાં જ સર્જાયેલી સ્થિતિ પાછળ જવાબદાર કોણ...? તેની ચર્ચા થતી રહી.

ખંભાળીયામાં તો ખેડૂતોએ મગફળીની હોળી સળગાવી હોવાના અહેવાલોએ ભારે ચકચાર જગાવી છે. દરેક કેન્દ્રો પર પ૦-પ૦ ખેડૂતોને ટેકાના ભાવે મગફળી વેંચવા બોલાવ્યા પછી પણ દેવભૂમિ દ્વારકા જિલ્લાના ખરીદ કેન્દ્રો પર અંધાધૂંધી સર્જાઈ હતી. ક્યાંક (બારદાન) કોથળાનો પ્રશ્ન, ક્યાંક માપદંડની ગેરસમજ તો ક્યાંક વજનકાંટાની માથાકૂટ થતી રહી, વળી ક્યાંક સ્ટાફ મોડો આવ્યો અથવા ઓછા સ્ટાફના કારણે મુશ્કેલી પડી. ગુણીમાં ૩પ કિલો મગફળીની ભરતીના કથિત ફતવાએ નવો વિવાદ સર્જયો અને કેટલાક ખેડૂતોએ મગફળી સળગાવીને હોળી પણ કરી. આ જ પ્રકારની સ્થિતિ જામનગર અને દેવભૂમિ દ્વારકાના અન્ય કેન્દ્રો પર પણ જોવા મળી. ખંભાળીયામાં તો ખેડૂતોના વિરોધના કારણે ખરીદીની પ્રક્રિયા જ અટકી પડી. પરંતુ હાલારના અન્ય જિલ્લાઓમાં પણ ભારે અસંતોષના કારણે વિક્ષેપો સર્જાયા હોવાના અહેવાલો પછી ખેડૂતોમાં આક્રોશના પડઘા ગાંધીનગર સુધી પડ્યા છે.

સૌરાષ્ટ્રના રાજકોટ, ગોંડલ, અમરેલી, મોરબી, જુનાગઢ સહિતના ખરીદ કેન્દ્રો પરથી ખેડૂતોની ભારે નારાજગી અને ટેકાના ભાવે મગફળી ખરીદીમાં અફડાતફડીના સમાચારો આવી રહ્યાં છે. ક્યાંક ખેડૂતોએ મગફળી સળગાવી તો ક્યાંક ચક્કાજામ કર્યો. ક્યાંક તો ખરીદી સદંતર બંધ જ રહી અને ક્યાંક ઉતારાની માથાકૂટના કારણે સ્ટાફ અને ખેડૂતો વચ્ચે તકરાર જેવી સ્થિતી ઉભી થઈ ગઈ.

ખેડૂતોની જણસોની ખરીદી અને સંગ્રહ, વેંચાણનો અનુભવ ધરાવતા નાફેડ અને ગુજકોટ જેવા એકમો ગત્ વર્ષે મગફળી ખરીદીમાં કૌભાંડના મુદ્દે બદનામ થયા પછી આ વર્ષે રાજય સરકારે પારદર્શક રીતે ખરીદી કરવાના દાવા સાથે કેટલાક નવા ફતવા જાહેર કર્યા અને ખરીદીની પ્રક્રિયા રાજયના પુરવઠા નિગમને સુપ્રત કરી આ નિગમ મોટાભાગે પીડીએસ સ્કીમ એટલે કે, જાહેર વિતરણ વ્યવસ્થાનું અમલીકરણ કરે છે. આ નિગમના સ્ટાફને ખેડૂતોની જણસોની ગુણવત્તા, ઉતારા, માપદંડ કે તેના સંદર્ભે થતી પ્રક્રિયાનો અનુભવ ઓછો હોવાથી ગઈકાલે ઠેર-ઠેર અંધાધૂંધી સર્જાઈ હતી. કેટલાક તટસ્થ અભિપ્રાયો એવા પણ હતાં કે જો પુરવઠા નિગમને આ જવાબદારી સોંપાયા પછી તેના સ્ટાફને ખેતપેદાશોની જણસોના સંદર્ભે જરૃરી તાલીમ આપવાની જરૃર હતી. ખેડૂત વર્ગોના અભિપ્રાયોમાં તો સરકારની કથની અને કરણીમાં ભારે તફાવત હોવાની ટીકા થઈ રહી છે, જ્યારે કોંગ્રેસ દ્વારા રાજય સરકારની મેલી મુરાદ અને ખેડૂતોને છેતરવાનો કારસો થયો હોવાના પ્રતિભાવો પ્રગટી રહ્યા હોવાના મીડિયાના અહેવાલો જોતા સરકાર માટે મગફળીની ટેકાના ભાવે ખરીદીનો નિર્ણય ગળાની ફાંસ બની રહ્યો હોય તેમ જણાય છે. ગત્ વર્ષે કૌંભાડો થતા આ વર્ષે ગુણીદીઠ ભરતી, ગુણવત્તા, ઉતારો અને ખરીદી પછીની પ્રક્રિયાની પારદર્શકતા જાળવવાના સરકારના દાવા પણ પ્રથમ દિવસે જ બૂમરેંગ પુરવાર થઈ રહ્યા છે.

રાજકીય વર્તુળોમાં એવી ચર્ચા છે કે, ગત વર્ષે નાફેડ, ગુજકોટ અને રાજ્ય સરકાર વચ્ચેના વિવાદ પછી આ વર્ષે બન્ને સંસ્થાઓને દૂર રાખીને રાજયના પુરવઠા નિગમ દ્વારા ખરીદીની પ્રક્રિયાની જવાબદારી પુરવઠા મંત્રી જયેશ રાદડીયાએ સંભાળીને સળગતું (લાડકું) પકડી લીધું છે કે, પછી રૃપાણીએ સિફતપૂર્વક આ સળગતી સમસ્યા જયેશ રાદડીયાને હવાલે કરી દીધી છે...? કૃષિ મંત્રી આર.સી. ફળદુએ યુવા મંત્રી જયેશ રાદડીયાના હવાલે ખરીદી પ્રક્રિયા મૂકીને શાણપણ દાખવ્યું છે કે, ચાલાકી કરી છે, તેવી ચર્ચા પણ થઈ રહી છે.

હવામાન

weather

શબ્દવ્યુહ

માર્કેટ યાર્ડ - હાપા, જામજોધપુર, જામનગર બ્રાસ સીટી:

માર્કેટ યાર્ડ - હાપા   ઘઉં ....242 ...383 । મગ ....800 ...1680 । લસણ ....160 ...805 । ચણા। ....160 ...805   માર્કેટ યાર્ડ - જામજોધપુર   કપાસ। ....780 ...937 । જીરૂ। ....2600 ...3125 । અરેંડા। ....650 ...729   જામનગર બ્રાસ સીટી   બ્રાસ હાની ઢાંળો ...315.00 । બ્રાસ હાની વાસંણ ...327.00 । બ્રાસ હાની પાઈપ ...329.00 । બ્રાસ વિલાયતી ....310.00