ઈરાને બ્રિટનનું ઓઈલ ટેન્કર કબ્જે કર્યુંઃ બ્રિટને કહ્યું પરિણામ ભોગવવા માટે રહો તૈયાર / હાફિઝની ધરપકડ એક નાટકઃ જેલમાં નહીં પણ જેલરના બંગલા રહે છે હાફિઝ / અમેરિકામાં માનવતસ્કરી કરનાર એક ગુજરાતી મહિલાને ત્રણ વર્ષની જેલ સજાઃ તેમજ લાખો ડોલરનો દંડ /

 

પ્રસિદ્ધિ વેચાય છે! છે કોઈ લેનાર?

હમણાં એક લેડિઝ ક્લબની એક મેમ્બરે ક્લબમાં મેમ્બર થવા ઓફર કરી મિત્રતાના હિસાબે ના ન પાડી શકાય. મેમ્બરશીપ ફી પૂછી તો તે કહે કે જનરલ મેમ્બરના ૭૦૦ રૃપિયા અને સ્પેશ્યલ મેમ્બર માટે ૩૦૦૦ રૃપિયા. 'આ સ્પેશ્યલ  મેમ્બર એટલે શું?' તે પૂછતા કહ્યું કે, તમને આગળની રો મળે, સ્ટેજ પરથી નામ બોલાય અને એકાદ વખત કોમ્પિટીશનમાં જજ બનાવાય. આ તો નવું જાણવા મળ્યું.

બીજી એક વાત... એક પ્રોગ્રામમાં જામનગરના એક જાણીતા વ્યક્તિને ચીફ ગેસ્ટ બનવા આગ્રહ કર્યો... તે ભાઈએ ના પાડી તો આગ્રહ હઠાગ્રહમાં બદલાયો, શરમાઈને તે ભાઈએ હા પાડી, તો કહે કે 'લાવો' ૬૦૦ રૃપિયા 'શેના?' એ પૂછતા  કહ્યું કે ચીફ ગેસ્ટ બનવાનો ભાવ ૬૦૦૦ છે, તમને બુકે આપવામાં આવશે, સ્પિચ આપવાની તક મળશે, ખાલી ગેસ્ટ બનીને સ્ટેજ પર  બેસવું હોય તો ૩૦૦૦ રૃપિયા ભાવ છે.

એક ક્લબમાં વાનગી-મહેંદી-બેસ્ટ ઓફ વેસ્ટ-સલાડ ડેકોરેશન જેવી જુદી જુદી હરિફાઈ હતી. બધી સ્પર્ધામાં અલગ અલગ જજ હતાં. પૂછતા ખબર પડી કે જજ બનવા માટે રપ૦૦ રૃપિયા જેટલો ભાવ હતો.

કોઈપણ ક્લબનો પ્રોગ્રામ હોય ત્યારે આમંત્રણ આપણે બધા વાંચીએ છીએ.  તેમાં શુભેચ્છકોના નામની યાદી હોય છે. આપણને વાંચીને એમ થાય કે ક્લબના પ્રોગ્રામ માટે કેટલા બધાએ શુભેચ્છા આપી છે... પણ ના... આ પણ એક ધંધો છે. શુભેચ્છક તરીકે નામ લખાવવાનો પણ ૧૦૦૦ રૃપિયાથી ૧પ૦૦ રૃપિયાનો ભાવ હોય છે.

સામાન્ય રીતે કોઈપણ પ્રોગ્રામમાં વક્તા, ચીફગેસ્ટ, જજ તરીકે આવેલ વ્યક્તિને  આપણે માનથી જોતા હોઈએ છીએ. તેમની લાયકાત એટલી છે કે તેઓ આ પદ સુધી પહોંચ્યા એવું વિચારતા હોઈએ છીએ, પણ હવે ખબર પડી કે આ બધો ધંધો જ છે. વક્તા, ચીફ ગેસ્ટ, ગેસ્ટ, જજ, શુભેચ્છક તરીકે કાર્ડમાં નામ લખાવું વગેરે માટે નાણા ચૂકવવા પડે છે. એવું નથી કે સંસ્થાના પ્રમુખ આ માટે ફોર્સ કરે છે, પણ મોટાભાગે આવું માન ઈચ્છતા લોકો જ નાણા આપવા તૈયાર છે. લોકોને માન જોઈએ છે, છાપામાં નામ જોઈએ છે, ઓડિયન્સ સામે બોલવા માઈક જોઈએ છે, આવડત હોય કે ન હોય પણ જજ બનવું હોય છે, અને લોકોની આવી પ્રસિદ્ધિની ભૂખનો સંસ્થાના પ્રમુખ ફાયદો ઊઠાવે છે, અને દરેક પદની કિંમત વસૂલે છે. ચોખ્ખો ભાવ જ બોલાય છે, સંસ્થાના પ્રમુખને તો શું હોય? તેમને તો ફંડ જ જોઈતું હોય... એક ના પાડે તો બીજાને ચીફ ગેસ્ટ-જજ બનાવી દે.

ઘણીવાર તમે જોતા હશો કે ફલાણી ફાઉન્ડેશન કે ઢીકણી એન.જી.ઓ.એ સ્લમ એરિયામાં બાળકોને જમાડ્યા, ગીફ્ટ આપી... જોઈને એક ક્ષણ અહોભાવની લાગણી થાય, પણ એ પણ એક ધંધો જ છે... છાપામાં ફોટા આવે અને લોકોમાં ચહેરો જાણીતો થાય એ માટે આવું થતું હોય છે. ઘણી વખત જોઈએ છીએ કે સંસ્થા તરફથી સ્લમ એરિયામાં જઈને બાળકોને નોટબુક-પેન-લંચબોક્સ-વોટરબોટલ આપવામાં આવે છે, પણ આ બાળકોએ તો સ્કૂલ જોઈ જ નથી તો આ બધું શું કામનું? ક્યારેક એકાદ-બે દિવસ માટે આવા એરિયામાં જઈને બાળકોને ભણાવ્યા એવું પણ ફોટા સાથે વાંચવા મળે, તો શું એકાદ-બે દિવસ ભણાવવાથી બાળકો હોશિયાર થઈ ગયા? આવું બધું શું કામનું? પ્રસિદ્ધિની આટલી ભૂખ? પૈસા આપીને ખરીદી શકાય તેવી પ્રસિદ્ધિની શી જરૃર? પૈસાથી તો બધું જ મળે... સાચું તો એ કહેવાય કે તમારા વ્યક્તિત્વથી પ્રેરાયને લોકો તમને ચીફ ગેસ્ટ બનાવે... જજ બનાવે... જો આવા કાર્ય માટે પૈસા આપવાના હોય તો પછી ન જવું એ જ યોગ્ય છે. એવું નથી કે બધે આવું જ છે, ઘણી વખત ખરેખર યોગ્યતા ધરાવતા વ્યક્તિઓને સન્માનપૂર્વક ચીફગેસ્ટ કે જજ બનાવાય જ છે. આવી સંસ્થા અને આવા લોકો માટે માન છે... પણ આવું માંડ ર૦ ટકાથી ૩૦ ટકા સંસ્થામાં થતું હોય છે, બાકી તો બધે જ બધું જ વેંચાણ કરવા જ બેઠા હોય છે.

કોઈપણ સંસ્થા કે જજ અને ચીફગેસ્ટ તરીકે જતી વ્યક્તિને ઉતારી પાડવાનો ઈરાદો નથી, તેમનામાં આપણા કરતા વધારે આવડત અને સમજણશક્તિ છે જ... તટસ્થ નિર્ણય  આપવા માટે તેઓ સક્ષમ છે જ... કોઈપણ વિષય પર પોતાનું જ્ઞાન પિરસી શકવા સક્ષમ છે જ... તેવા લોકોનું સન્માન કરૃ છું... પણ આ વાત તો પૈસા આપીને પદ મેળવનારા લોકોની છે.

સોશ્યલ મીડિયાના આગમન પછી આવી પ્રવૃત્તિ વધી છે. કોઈપણ પ્રોગ્રામની ખબર પડે એટલે ઘણીવાર આવા લોકો સામે ચાલીને આયોજકોનો સંપર્ક કરતા હોય છે. બાળકોના પ્રોગ્રામમાં ગીફ્ટ આપતા હોય, સ્ત્રીઓના પ્રોગ્રામમાં બ્યુટી પ્રોડક્ટ્સ કે ગીફ્ટ હેમ્પર આપતા હોય...  અને આવું આપવાની સામે  ખુરશી મેળવી લેતા હોય છે.

લોકો તમને બોલાવે છે શા માટે? એ સવાલ જાતને પૂછવો જોઈએ. તમારા વ્યક્તિત્વથી, તમારી વાતોથી, તમારી આવડતથી પ્રેરાયને તમને બોલાવતા હોય તો જવું જ જોઈએ. આવું માન મળતું હોય તો સ્વીકારવું જ જોઈએ, પણ સંસ્થાનું આમંત્રણ આપ્યા પછી, હા પાડ્યા પછી પૈસા માંગવામાં આવે તો ન જવું એ જ યોગ્ય છે, પણ પ્રસિદ્ધિ ભૂખ્યા લોકો આવું ક્યાં સમજે છે.

પૈસા આપીને પ્રસિદ્ધિ... આ એક ફેશન થઈ ગઈ છે. ફલાણી વ્યક્તિનો ફોટો છાપામાં  આવ્યો તો મારો કેમ નહીં? ખાસ કરીને ઉચ્ચ મધ્યમ વર્ગના લોકો અને ખાસ કરીને સ્ત્રીઓનો આ નવો શોખ ઊભો થયો છે. એકબીજાની દેખાદેખીમાં આવા કાર્ય થાય છે. ખાસ કરીને ગરીબ અને સ્લમ એરિયામાં જઈને નાની-મોટી વસ્તુ આપીને બહું મોટું કાર્ય કર્યું હોય તેમ ફોટા છપાવે, સોશ્યલ મીડિયામાં મૂકે. સ્લમ એરિયામાં જઈને ગીફ્ટ આપવી, ભોજન આપવું એ સારૃં કાર્ય છે એ સ્વીકારૃ છું, પણ દાન તેને કહેવાય કે જેની બીજાને ખબર ન પડે, પણ આ તો ફોટા પડાવવા જતા હોય તેવું જ હોય.

આ નવો ધંધો ખાસ કરીને પ્રસિદ્ધિ ભૂખ્યા લોકોને કારણે જ ચાલે છે. લેખ વાંચ્યા પછી ક્યાંય પ્રોગ્રામમાં જાવ તો દરેક વક્તા, ચીફગેસ્ટ કે જજને શંકાની નજરે ન જોશો, પણ ક્યાંક એવા પણ હોય છે એ યાદ રાખજો... આમંત્રણ કાર્ડ પાછળ લખાતા નામની યાદી જોઈને વિચારજો કે આ શુભેચ્છા તેમને કેટલામાં પડી હશે? પ્રસિદ્ધિની ભૂખ લોકોને ક્યાં લઈ જશે? આનો અંત દૂર દૂર સુધી દેખાતો નથી...

- દિપા સોની



આંખ બોલે છે... સમજો આંખની ભાષા

એ હકીકત છે કે જે વાત જુબાન ન બોલી શકે તે આંખ બોલી શકે છે. ક્યારેક એવું પણ થાય છે કે કેટલાક લોકો મોટેથી ઓછું અને આંખથી વધારે બોલે છે. આંખની ભાષા આપણી બોડી લેંગ્વેજનો જ એક ભાગ છે. કોઈની આંખ બરાબર વાંચવામાં આવે તો અંદાજ લગાવી શકાય છે કે તે શું કહેવા ઈચ્છે છે, જ્યારે કોઈ બોલ્યા વગર આંખથી પોતાની વાત કરે ત્યારે આંખની જુદી જુદી મૂવમેન્ટ્સ પરથી ખ્યાલ આવી જાય કે તો શું કહેવા માગે છે. જેમ કે...

- ઉપર જોવુંઃ જ્યારે કોઈ વ્યક્તિ ઉપર જોવે છે ત્યારે તેનો અર્થ થાય છે કે તે કંઈક વિચારે છે અથવા યાદ કરવાનો પ્રયત્ન કરે છે. ક્યારેક ક્યારેક ઉપર જોવાની સાથે સાથે ડાબીબાજુ કે જમણી બાજુ પણ જોતા હોય છે. તેનો મલતબ પણ એ જ છે કે તે કંઈક યાદ કરે છે.

- માથું નીચે કરીને જોવુંઃ જો કોઈ વ્યક્તિ માથું નીચે કરીને આંખની એક બાજુથી કોઈને જોવે છે તો તેમ સમજવું કે તે તેનાથી નારાજ છે અથવા તે શંકાની નજરે જોવે છે. ક્યારેક ચોરી છૂપીથી જોવા માટે પણ આ ટ્રીક અપનાવાય છે.

- નીચું જોવુંઃ જ્યારે કોઈ વ્યક્તિ તમારી કોઈ વાત કે વ્યવહારથી આંખ નીચે  કરીને જુએ તો તે પોતાનો દોષ સ્વીકારી રહી છે તેમ માનવું અથવા તે આત્મસમર્પણ કરવા તૈયાર છે તેવું સમજી શકાય. છોકરીઓ જ્યારે આવું કરે તો તેમના માટે શરમાવવું પણ સમજી શકાય.

- બાજુમાં જોવુંઃ આંખ મોટાભાગે સામે જોવે છે, પરંતુ જ્યારે કોઈ વ્યક્તિ વાત કરતાં કરતાં સામે જોવાને બદલે બાજુમાં જોવા લાગે ત્યારે તેનો અર્થ એ છે કે તેને વાત કરવામાં કે વાત સાંભળવામાં રસ-રૃચિ નથી અથવા તેને બીજી વાતમાં રસ છે કે પછી તે કોઈ જોખમ અનુભવે છે અથવા તો આસપાસનો અવાજ સાંભળવા ઈચ્છે છે.

- ઘૂરીઘૂરીને જોવુંઃ કોઈ બીજી વ્યક્તિને ઘૂરીઘૂરીને જોવે તો એમ સમજાય કે તેને તે વ્યક્તિમાં રસ છે. સામાન્ય રીતે પ્રેમીઓ એકબીજાને આ રીતે જોતા હોય છે. ક્યારેક એવું પણ બને કે કોઈ વ્યક્તિ અન્યને ઘૂરી ઘૂરીને જોતી હોય અને પછી તે વ્યક્તિની નજર તેના પર પડતા શરમાઈ જઈને નજર ફેરવી લે છે. ક્યારેક આવી રીતે જોવાના કારણે સામી વ્યક્તિના ગુસ્સાનો ભોગ પણ બનવું પડે છે. જો આવી રીતે જોનાર વ્યક્તિ સામી વ્યક્તિને ઉપરથી નીચે તરફ જોવે તો સમજવું કે તે તેના તરફ આકર્ષિત છે,  પણ જો ખાસ અંગો ઉપર જ નજર હોય તો તે માત્ર કામવાસના છે. ઉપરથી નીચે ઘૂરી ઘૂરીને જોવાનો અર્થ એ પણ થઈ શકે કે જોનાર વ્યક્તિ પોતાને શક્તિશાળી સમજે છે.

એક નજરે જોવુંઃ કોઈ વ્યક્તિ એક તરફ એક નજરે જોઈ રહ્યું હોય તો તેના ઘણા અર્થ થાય છે. જેમ કે જો કોઈ સતત દરવાજા બાજુ જોઈ રહ્યું હોય તો તે બહાર જવા ઈચ્છે છે, જો તે બારી તરફ જોતા હોય તો બારી ખોલવા કે બંધ કરવા ઈચ્છે છે, જો ઘડિયાળ તરફ જોતા હોય તો તેને જવાની જલદી છે તેમ સમજાય. એક નજરનો મતલબ ઘૂરી ઘૂરીને જોવું તેવો નથી.

આંખમાં આંખ પરોવીને જોવુંઃ તેનો અર્થ છે કે બન્ને એકબીજાથી પરિચિત છે અને બન્ને વચ્ચે ખાસ સંબંધ છે. બન્નેને કરવામાં આવતી વાતમાં રસ છે. એકબીજામાં સમાન રૃચિ છે અને બન્ને એકબીજાને સમાન સમજે છે.

- લાંબો સમય આઈ કોંટેક્ટઃ નોર્મલ કરતા વધારે સમય સુધી આઈ કોંટેક્ટના અનેક અર્થ હોઈ શકે છે. જ્યારે આપણે કોઈને ધ્યાનથી સાંભળીએ છીએ ત્યારે આઈ કોંટેક્ટ વધી જાય છે. તમને કોઈની વાતમાં રૃચિ હોય, વાત ગમતી હોય તો પણ લાંબો સમય આઈ કોંટેક્ટ રહે છે જે તમને ગમે છે. તેની તરફ પણ લાંબો સમય જોવો છો. જો આવા આઈ કોંટેક્ટમાં સ્મિતની આપલે હોય તો બન્ને એકબીજા પ્રત્યે આકર્ષિત છે એમ માની શકાય.

- આઈ કોંટેક્ટ તૂટવોઃ કોઈને સતત ઘૂરવું એ શંકાશીલ સ્થિતિ ઉત્પન્ન કરી શકે છે. કોઈને જોખમ કે અપમાનનો આભાસ થાય છે તો કોઈ વધારે સમય સુધી આ સ્થિતિ સહન કરી શકતું નથી. કોઈ વ્યક્તિ ચાલુ વાતે નજર ફેરવી લે તો તેને વાતમાં રસ નથી એમ સમજવું. કોઈ ગુસ્સામાં આવીને નજર ફેરવી લે તો તેને તમારામાં રસ નથી એમ સમજાય. પણ જો આઈ કોંટેક્ટ તોડી અને ફરીથી એકબીજાને જોવા લાગે તો તેને ફલર્ટિંગ સમજવામાં આવે છે.

- આંખ ઝબૂકવીઃ આંખનું ઝબૂકવું એક સ્વાભાવિક પ્રક્રિયા છે, પરંતુ જ્યારે તમે વિચારમાં ખોવાયેલા હો કે સ્ટ્રેસમાં હો ત્યારે તેની ગતિ વધી જાય છે. જે વ્યક્તિ સાથે તમે વાત કરી રહ્યા છો, તેના વિશે વિચારો છો અને કેવો સંબંધ છે તેની અસર પણ બ્લિકિંગ ઉપર થાય છે. સામાન્ય રીતે એક મિનિટમાં ૮ થી ૧૦ વખત આંખ ઝબૂકે છે. સામાન્ય બ્લિંકિંગ ઉપરાંત કોઈની સામે જોઈને એકવાર આંખ બંધ કરીને ખોલો તો તેનો અર્થ થાય છે કે તેની હાજરીની તમે નોંધ લીધી તેના અસ્તિત્વનો તમે સ્વીકાર કર્યો.

- આંખ બંધ કરવીઃ આંખ બંધ કરીને તમે કંઈ જોઈ ન શકો. તેનો અર્થ એ છે કે તમારી સામે જે છે તેને તમે જોવા ઈચ્છતા નથી. કોઈ વાતચીત દરમિયાન આંખ બંધ કરવાનો અર્થ થાય છે કે તે વાત તમને પસંદ નથી. ક્યારેક કોઈ વક્તા બોલતા બોલતા આંખ બંધ કરી દે તો તેનો અર્થ છે  કે તે ગંભીરતાથી કંઈક વિચારે છે અથવા મનમાં ઝાંકે છે જેથી ખુલ્લી આંખથી તેનું મન વિચલિત ન થાય.

- ભીની આંખ અને આંસુઃ આંસુના ઘણા પ્રકાર છે. દુઃખમાં કે સુખમાં તે વહે જ છે. વહેતા આંસુ સાથે હોઠ હસતા હોય તો તે વ્યક્તિ ખુશ છે તેમ માની શકાય. ક્યારેક દુઃખમાં આંખ ભીની થઈ જાય છે. જો તમે જાહેરમાં રડવા માંગતા નથી અને આંખ ભીની થાય છે તો એમ સમજાય કે દુઃખ અન્યથી છૂપાવવા ઈચ્છો છો. આંખ વારંવાર ભીની થતી હોય તો એમ સમજાય કે મનમાં ખૂબ દુઃખ છે, પણ પ્રયત્નપૂર્વક આંસુને રોકી રાખ્યા છે.

આંખ આપના મનના વિચારો વ્યક્ત કરે છે. બે આંખ ક્યારેક એટલું બધુ સમજાવી જાય છે કે જે શબ્દો પણ સમજાવી શકતા નથી. કોઈનો સાથ, લાગણી, પ્રેમ, ગુસ્સો, નફરત, વિચારો બધા જ ભાવ આંખ વ્યક્ત કરે છે. બસ માત્ર આંખ વાંચતા આવડવી જોઈએ.

  • શીતલ


હવામાન

weather

શબ્દવ્યુહ

MARKET

માર્કેટ યાર્ડ - હાપા, જામજોધપુર, જામનગર બ્રાસ સીટી:

માર્કેટ યાર્ડ - હાપા   ઘઉં ....242 ...383 । મગ ....800 ...1680 । લસણ ....160 ...805 । ચણા। ....160 ...805   માર્કેટ યાર્ડ - જામજોધપુર   કપાસ। ....780 ...937 । જીરૂ। ....2600 ...3125 । અરેંડા। ....650 ...729   જામનગર બ્રાસ સીટી   બ્રાસ હાની ઢાંળો ...315.00 । બ્રાસ હાની વાસંણ ...327.00 । બ્રાસ હાની પાઈપ ...329.00 । બ્રાસ વિલાયતી ....310.00
close
Nobat Subscription