Author: નોબત સમાચાર
જોડીયા તાલુકાના હડીયાણામાં ખેડૂતો માટે યોજાયો ગોડાઉન અવેરનેસ પ્રોગ્રામ
જામનગર જિલ્લા સહકારી સંઘ દ્વારા
જામનગર તા. ૧૯: જામનગર જિલ્લા સહકારી સંઘ તથા ઉદયભાણસિંહજી રીજીયોનલ ઈન્ડસ્ટ્રીઝ ઓફ કો.ઓ. મેનેજમેન્ટ (ગાંધીનગર)ના સંયુક્ત ઉપક્રમે જોડીયા તાલુકાના હડીયાણા સેવા સહકારી મંડળીમાં ખેડૂતો માટે ગોડાઉન અવેરનેસ પ્રોગ્રામ યોજવામાં આવ્યો હતો.
આ પ્રોગ્રામમાં રીજીયોનલ ઈન્ડસ્ટ્રીઝના ડાયરેકટર નિલુબેન પાંડે, ડો. એ. કે. અસ્થાનાએ ખેડૂતોને ગોડાઉનની જરૂરિયાત, વેર હાઉસ દ્વારા ખેડૂતોને ધિરાણ, બેંકની લોન વગેરે અંગે જાણકારી આપી હતી. જામનગર જિલ્લા સહકારી બેંકના લોન અધિકારી સુરેન્દ્રસિંહ જાડેજાએ માલની જાળવણી વૈજ્ઞાનિક ઢબે કેવી રીતે કરવી તેની જાણકારી આપી હતી.
આ ઉપરાંત જામનગર તેમજ દેવભૂમિ દ્વારકા જિલ્લામાં નવી નોંધાયેલ મંડળીઓને માર્ગદર્શન આપવા માટે સ્વામી વિવેકાનંદ ક્રેડીટ કો-ઓપ. સોસાયટી લિ., જામનગરમાં બે દિવસનો ટ્રેનિંગ પ્રોગ્રામ પણ જામનગર જિલ્લા સહકારી સંઘ અને ઉદયભાણસિંહજી રીજીયોનલ ઈન્ડસ્ટ્રીઝ ઓફ કો-ઓપ. મેનેજમેન્ટ, ગાંધીનગરના સંંયુક્ત ઉપક્રમે યોજવામાં આવ્યો હતો. આ કાર્યક્રમમાં જિલ્લા રજીસ્ટ્રાર, સહકારી મંડળીઓ, જામનગર અજયભાઈ સિદપરાએ ઉપસ્થિત રહી તાલીમાર્થી ઓને માર્ગદર્શન આપ્યું હતું. આ પ્રસંગે જામનગર જિલ્લા સહકારી સંઘના માનદ મંત્રી અને સ્વામી વિવેકાનંદ ક્રેડીટ કો-ઓ. સોસાયટીના ડાયરેકટર વશરામભાઈ ચોવટીયા, સોસાયટીના અન્ય હોદ્દેદારોએ તાલીમાર્થીઓને પ્રોત્સાહિત કર્યા હતા. આ બધા કાર્યક્રમોનું આયોજન અને સંચાલન સંઘના એક્ઝિક્યુટીવ ઓફિસર પ્રજ્ઞેશભાઈ નાકરાણીએ કર્યું હતું.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
