Author: નોબત સમાચાર
જામનગરમાં સિઝનમાં બીજી વખત લઘુતમ તાપમાન સિંગલ ડિઝિટમાં: અડધો ડીગ્રી ઘટીને ૯.પ ડીગ્રી
હાલાર શિતલહેરના બાહુપાસમાં સપડાયું: કડકડતી ઠંડી
જામનગર તા. ૧૬: જામનગરમાં આજે સવારે પૂરા થતાં ચોવીસ કલાક દરમિયાન અડધા ડીગ્રીના ઘટાડા સાથે ન્યુનત્તમ તાપમાન ૯.પ ડીગ્રી નોંધાયું હતું. આ સાથે તાપમાનનો પારો સિઝનમાં બીજી વખત 'સિંગલ ડિઝિટ'માં નોંધાયું હતું. હિમાલય ક્ષેત્ર પરથી આવતા ઠંડા પવનના પગલે સમગ્ર હાલાર પંથક શિતલહેરની બાહુપાસમાં સપડાતા ઠંડોગાર થઈ ગયો છે. હાડ થિજવતી ઠંડીથી લોકો ઠૂંઠવાઈ ગયા છે.
ઉત્તર ભારતના પહાડી વિસ્તારોમાં ગઈકાલે પણ બરફવર્ષાનો દોર યથાવત્ રહ્યો હતો. હિમાલય ક્ષેત્ર પરથી આવતા હિમ સમાન ઠંડા પવનની અસર પંજાબ, હરિયાણા, દિલ્હી, યુપી, બિહાર, રાજસ્થાન, મધ્યપ્રદેશ સહિતના રાજ્યોમાં પડી રહી છે. તાપમાનનો પારો સતત ગગડતા તીવ્ર ઠંડી અનુભવાઈ રહી છે. કાળજુ કંપાવતી ઠંડીથી પ્રજાજનો ધ્રુજી ઊઠ્યા છે.
ઉત્તર ભારતના બર્ફીલા પવનના પગલે ગુજરાતમાં પણ અસહ્ય ઠંડી પડી રહી છે. અઢી ડીગ્રીના તાપમાન સાથે ગિરનાર પર્વત ટાઢોબોળ બની ગયો હતો, તેમજ ૬ ડીગ્રીના તાપમાન સાથે અમરેલી ગુજરાતું સૌથી ઠંડુ શહેર રહ્યું હતું. આ ઉપરાંત કેશોદ, કંડલા, રાજકોટ, પોરબંદર, ડીસા, મહુવા અને નલિયામાં પણ તાપમાન સિંગલ ડિઝિટમાં નોંધાયું હતું.
જામનગરમાં શુક્રવારે સવારે ૮ વાગ્યે પૂરા થતા ચોવીસ કલાક દરમિયાન અડધા ડીગ્રીના ઘટાડા સાથે લઘુતમ તાપમાન ૯.પ ડીગ્રી નોંધાયું હતું. આ સાથે સિઝનમાં બીજી વખત તાપમાનનો પારો 'સિંગલ ડિઝિટ'માં ચાલ્યો ગયો છે. જામનગર સહિત સમગ્ર હાલાર પંથક શિતલહેરની બાહુપાસમાં સપડાતા ઠંડોગાર થઈ ગયો છે. શિયાળાએ આકરો મિજાજ દેખાડતા ઠંડીનું મોજુ ફરી વળ્યું છે. અસહ્ય ઠંડીથી હાલારવાસીઓ ધ્રુજી ઊઠ્યા છે. જનજીવન ઠૂંઠવાઈ ગયું છે. ખાસ કરીને હાલારના ગ્રામ્ય-નગરસીમ અને વાડી વિસ્તારો તથા ધોરીમાર્ગો પર તીવ્ર ઠંડી અનુભવાઈ રહી છે.
શિયાળો જેમ-જેમ આક્રમક બની રહ્યો છે, તેમ તેમ ગરમ કપડાના વિક્રેતાઓને ત્યાં ગ્રાહકોનો ધસારો પણ વધી રહ્યો છે. કાળજુ થરથરાવતી ઠંડી સામે રક્ષણ મળે તે માટે હાલારવાસીઓ સ્વેટર, ટોપી, જેકેટ, મફલર સહિતના ગરમ વસ્ત્રો, ગરમ પીણા તથા તાપણાનો સહારો લઈ રહ્યા છે.
નગરમાં છેલ્લા ચોવીસ કલાક દરમિયાન અડધા ડીગ્રીના વધારા સાથે મહત્તમ તાપમાન ર૬ ડીગરી નોંધાયું હતું. વાતાવરણમાં ભેજનું પ્રમાણ ૭ ટકા વધીને ૭૦ ટકા રહ્યું હતું. પવનની ગતિ પ્રતિકલાકની સરેરાશ પ થી ક્ષ૦ કિ.મી.ની રહેવા પામી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
