Author: નોબત સમાચાર
જામનગરના સુમેર કલબ તથા ગુલાબનગર રોડ પરથી ચાર બોટલ દારૂ સાથે ત્રણ ઝબ્બે
ભાણવડમાંથી બાઈકમાં લઈ જવાતો દારૂ પકડાયોઃ
જામનગર તા. ૧૬: જામનગરના સુમેર કલબ રોડ પરથી દારૂની બે બોટલ સાથે એક શખ્સને પોલીસે પકડી પાડ્યો છે. તેણે બોટલ આપનારનું નામ ઓકી નાખ્યું છે. ગુલાબનગર રોડ પરથી એક શખ્સ બે બોટલ સાથે પકડાઈ ગયો છે. જ્યારે ભાણવડના જકાતનાકા પાસેથી બાઈકમાં બે બોટલ દારૂ લઈને જતા પોરબંદર જિલ્લાના બે શખ્સની પોલીસે અટકાયત કરી સપ્લાયરનું નામ ઓકાવ્યું છે.
જામનગરના સુમેર કલબ રોડ પર ગઈકાલે બપોરે સિટી એ ડિવિઝનમાં સર્વેલન્સ સ્ટાફ દ્વારા કરવામાં આવી રહેલા પેટ્રોલિંગમાં ત્યાંથી પસાર થતાં દિગ્વિજય પ્લોટની શેરી નં.૬૪માં રહેતા કિશોર જેઠાભાઈ રામનાણી નામના શખ્સને રોકી લેવામાં આવ્યો હતો. આ શખ્સની તલાશી લેવાતા તેની પાસેથી ઈંગ્લીશ દારૂની બે બોટલ મળી આવી હતી. આ શખ્સે તે બોટલ દિગ્વિજય પ્લોટ-પ૪માં રહેતા ભાવિક ઉર્ફે છાબા પાસેથી લીધી હોવાની કબૂલાત આપી છે. પોલીસે બોટલ કબજે કરી બંને સામે ગુન્હો નોંધ્યો છે.
જામનગરના ગુલાબનગર રોડ પર આવેલી કસ્ટમ ઓફિસ પાસેથી ગઈકાલે સાંજે પસાર થતાં રણજીતસાગર રોડ પર આવેલા દ્વારકેશ પાર્ક સી/૧૦માં રહેતા ઈન્દ્રજીતસિંહ પ્રફુલસિંહ ચૌહાણ નામના શખ્સને સિટી એ ડિવિઝન પોલીસ સ્ટેશનના સર્વેલન્સ સ્ટાફે રોકી ચેક કરતા તેની પાસેથી દારૂની બે બોટલ મળી આવી હતી.
દેવભૂમિ દ્વારકા જિલ્લાના ભાણવડ શહેરમાં જકાતનાકા પાસેથી ગઈકાલે રાત્રે એક બાઈકમાં જઈ રહેલા પોરબંદર જિલ્લાના વીંજરાણા ગામના દિલીપ દુલાભાઈ મોઢવાડીયા તથા કાટવાળા વાડી વિસ્તારવાળા રણમલ અરશીભાઈ ગોરાણીયા નામના બે શખ્સને રોકી પોલીસે તલાશી લીધી હતી. આ શખ્સો પાસેથી દારૂની બે બોટલ સાંપડી હતી. ભાણવડના કરણ જગદીશભાઈ કાનાણી પાસેથી આ શખ્સોએ બોટલ લીધાની કબૂલાત આપી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
