Author: નોબત સમાચાર
રૂ.પોણા પંદર લાખની રકમ પોતાના બેંક ખાતામાં જમા કરાવનાર બે સામે ફોજદારી
પોતાના બેંક ખાતા વાપરવા માટે આપ્યા હતાઃ
જામનગર તા. ૧૫: ધ્રોલમાં રહેતા બે શખ્સ સામે પોલીસે ખુદ ફરિયાદી બની પોતાના બેંક એકાઉન્ટમાં રૂ.પોણા પંદર લાખથી વધુની રકમ જમા કરાવડાવી હોવાનો ગુન્હો નોંધ્યો છે. ઈન્ટરનેટથી ઠગાઈ કરતા શખ્સોએ આ રકમ ઉપરોક્ત વ્યક્તિઓના ખાતામાં જમા કરાવી હતી.
ધ્રોલ શહેરની શ્રીરામ પાર્ક સોસાયટીમાં બ્લોક નં.૭માં રહેતા બ્રિજેશ રમેશભાઈ સોરઠીયા તથા અક્ષય જોષી નામના આસામીઓએ પોતાના એક્સિસ બેંક તથા સેન્ટ્રલ બેંક ઓફ ઈન્ડિયામાં આવેલા એકાઉન્ટ વાપરવા આપતા રૂ.૧૪,૮૦,૬૫૦ ની રકમ જમા થઈ હતી.
ઈન્ટરનેટના માધ્યમથી નાગરિકો સાથે ઠગાઈ કરવાનું કૃત્ય કરતા કેટલાક વ્યક્તિઓએ બેંક એકાઉન્ટ વાપરવા આપતા વ્યક્તિઓને સાધી લઈ તેઓને કમીશન આપવાની લાલચ બતાવી તે લોકોના બેંક ખાતામાં ઠગાઈ કરીને મેળવેલી રકમ જમા કરાવી લીધી હતી. તેની શરૂ થયેલી તપાસમાં એકાઉન્ટ ધારક બ્રિજેશ સોરઠીયા તથા એકાઉન્ટના વપરાશકાર અક્ષય જોષી સામે ધ્રોલના જમાદાર આર.એ. કુબાવતે ખુદ ફરિયાદી બની ગુન્હો રજીસ્ટર કરાવ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
