Author: નોબત સમાચાર
ગુલાબનગર પાસે મકાનના વંડામાંથી ત્રણ ચોરાઉ બાઈક કબજે કરાયાઃ એકની શોધખોળ
એક શખ્સની પૂછપરછ હાથ ધરતી એલસીબીઃ
જામનગર તા. ૧૫: જામનગરના ગુલાબનગરમાં વાંઝાવાસમાં એક મકાનના ફળીયામાંથી એલસીબીએ ત્રણ ચોરાઉ મોટરસાયકલ કબજે કર્યા છે. ત્યાંથી એક શખ્સની અટકાયત કરાઈ છે અને એક શખ્સના સગડ દબાવાયા છે.
જામનગરના ગુલાબનગર નજીકના વાંઝાવાસમાં એક શખ્સના મકાનના વંડામાં ત્રણ ચોરાઉ મોટરસાયકલ પડ્યા હોવાની બાતમી એલસીબીના દિલીપભાઈ તલાવડીયા, હિતેન્દ્રસિંહ, કાસમભાઈને મળતા પીઆઈ વી.એમ. લગારીયાને વાકેફ કરાયા પછી એલસીબી ટીમે વાંઝાવાસમાં અનવર ઈસ્માઈલ સીપાઈ ઉર્ફે અનુ ચકેડી નામના શખ્સના મકાનમાં દરોડો પાડ્યો હતો.
તે સ્થળેથી ત્રણ મોટરસાયકલ મળી આવ્યા હતા. આ વાહન ગુલાબનગરમાં શહીદી ચોકમાં રહેતા રેહાન બોદુભાઈ કુરેશી નામના શખ્સે ચોરી કરીને મેળવ્યાની વિગતો મળી છે. એલસીબીએ રેહાન કુરેશીની અટકાયત કરી લીધી છે અને રૂ.૭૫ હજારના ત્રણ બાઈક ઝબ્બે લીધા છે. તે ઉપરાંત અનવર સીપાહી ઉર્ફે અનુ ચકેડીની શોધ કરાઈ રહી છે. ત્રણેય મોટરસાયકલ સિટી બી ડિવિઝન પોલીસ સ્ટેશન હેઠળના વિસ્તારોમાંથી ચોરાયાનું ખૂલ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
