Author: નોબત સમાચાર
લાલપુરના કરાણાની સીમમાં ઓરડીમાં જામેલી ઘોડીપાસાની કલબ પર દરોડોઃ ૧ર પકડાયા
એલસીબીને જોઈને ચાર પલાયનઃ રૂ.૧૫ લાખનો મુદ્દામાલઃ
જામનગર તા. ૯: લાલપુરના કરાણા ગામની સીમમાં બે શખ્સ દ્વારા ચલાવાતા ઘોડીપાસાના જુગાર પર ગઈકાલે રાત્રે એલસીબીના સ્ટાફે પાડેલા દરોડામાં ૧૨ શખ્સ જુગાર રમતા ઝડપાઈ ગયા છે. ચાર શખ્સ નાસી જવામાં સફળ થયા છે. પટમાંથી રોકડ, ૧ર મોબાઈલ, ૩ મોટર મળી કુલ રૂ.૧૫ લાખ ૭૬ હજારનો મુદ્દામાલ કબજે કરાયો છે.
લાલપુર તાલુકાના કરાણા ગામની સીમમાં મંદિર પાસે ગઈકાલે રાત્રે કેટલાક શખ્સો એકઠા થઈ જુગાર રમતા હોવાની બાતમી મળતા એલસીબીના સ્ટાફે પીઆઈ વી.એમ. લગારીયાની સૂચના અને પીએસઆઈ સી.એમ. કાંટેલીયા અને પી.એન. મોરીના વડપણ હેઠળ કરાણાની સીમમાં દરોડો પાડ્યો હતો.
આ સ્થળે રામ રણમલભાઈ મોઢવાડીયા, ભરત રણમલભાઈ મોઢવાડીયા નામના વડપાંચસરા ગામના બે શખ્સ બહારથી માણસો બોલાવી ઘોડીપાસા વડે જુગાર રમાડતા મળી આવ્યા હતા. ત્યાંથી ભરત રણમલભાઈ, જામનગરના સુખદેવસિંહ મહેન્દ્રસિંહ વાઢેર, રાકેશ તુલસીભાઈ વાઘેલા, અજીતસિંહ પ્રતાપસિંહ વાઢેર, સુરજ કાનજીભાઈ રાઠોડ, કમલેશ જગદીશભાઈ ચુંગીવાળા, સિદ્ધરાજસિંહ ઘનુભા ઝાલા, ભરતભાઈ વલ્લભભાઈ કનખરા, જીજ્ઞેશ ધીરૂભાઈ ચાંદ્રા, કિશોર ભીમજીભાઈ સુવા, હિતેન્દ્રસિંહ અભેસિંહ ઝાલા ઉર્ફે મિથુન, ઘનશ્યામસિંહ હનુભા ચાવડા નામના બાર શખ્સ જુગાર રમતા મળી આવ્યા હતા. એલસીબીને જોઈને લક્ષ્મણ રમેશભાઈ કંટારીયા ઉર્ફે કાળુ અજય વાઘેલા, મહેશ નરશીભાઈ ઢાપા ઉર્ફે મુન્નો તથા જુગાર રમાડનાર રામ રણમલ મોઢવાડીયા નાસી ગયા છે.
એલસીબીએ પટમાંથી રૂ.૨,૭૦,૬૦૦ રોકડા, ૧ર મોબાઈલ, ૩ મોટર મળી કુલ રૂ.૧૫,૭૫,૬૦૦નો મુદ્દામાલ કબજે કરી તમામ ૧૬ સામે જુગારધારાની કલમ-૪, પ હેઠળ લાલપુર પોલીસ સ્ટેશનમાં ગુન્હો રજીસ્ટર કરાવ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
