Author: નોબત સમાચાર
પાછલા તળાવ પાસે સ્કૂટરને મોટરે ટક્કર મારતા એક યુવાનનો પગ ભાંગી ગયો
અન્ય બે અકસ્માતમાં બે વ્યક્તિને ઈજાઃ
જામનગર તા. ૧૫: જામનગરના કાલાવડ નાકા બહાર મહાપ્રભુજીની બેઠક પાસે બે સપ્તાહ પૂર્વે એક મોટરે સર્જેલા અકસ્માતમાં બે વાહનચાલકને ઈજા થઈ છે. પાછલા તળાવ પાસે ગયા મંગળવારે થયેલા અકસ્માતમાં એક યુવાનનો પગ ભાંગી ગયો છે અને દોઢ મહિના પહેલાં ખંભાળિયા બાયપાસ પાસે અકસ્માતમાં એક યુવાનને ઈજા થયાની પોલીસમાં ફરિયાદ કરાઈ છે.
જામનગરના બેડી બંદર રોડ પર વસવાટ કરતા કલ્પેશભાઈ પ્રેમજીભાઈ ઘેડીયા ગઈ તા.૧ની સાંજે મહાપ્રભુજીની બેઠક પાસેથી પોતાના વાહનમાં જતા હતા ત્યારે જીજે-૩૨-કે ૭૪૯૨ નંબરની એક્સયુવી મોટરના ચાલકે તેઓને ટક્કર મારી દીધી હતી. તે પછી સંજયભાઈ તુલસીભાઈ વડગામાના સ્કૂટરને પણ આ મોટરે હડફેટે લીધુ હતું. કલ્પેશભાઈ તથા સંજયભાઈને ઈજાઓ થઈ છે. સિટી એ ડિવિઝનમાં મોટરચાલક સામે ફરિયાદ કરાઈ છે.
જામનગરની શંકરટેકરીમાં સિદ્ધાર્થ કોલોનીમાં રહેતા ધર્મેશ પ્રવીણભાઈ શ્રીમાળી ગયા મંગળવારે પાછલા તળાવ પાસેથી મોપેડ પર જતા હતા ત્યારે જીજે-૬-સીબી ૩૪૯૬ નંબરની મોટરે તેઓને ટક્કર મારતા ધર્મેશનો પગ ભાંગી ગયો છે.
જામનગરમાં દિગ્વિજય પ્લોટ વિસ્તારની શેરી નં.૪૯માં રહેતા ચેતનભાઈ મગનભાઈ પરમાર ગઈ તા.રર ઓક્ટોબરે રાત્રે ખંભાળિયા બાયપાસ પાસેથી પોતાના પુત્ર તથા પુત્રી સાથે આવતા હતા ત્યારે જીજે-૩-પીજે ૨૮૧ નંબરની મોટરે તેમને હડફેટે લેતા ચેતનભાઈને ઈજા થઈ છે. મોટરના ચાલક રોહિત ધીરૂભાઈ પરમાર સામે પોલીસમાં ફરિયાદ કરાઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
