Author: નોબત સમાચાર
જામનગર મનપા દ્વારા ફિટ ઈન્ડિયા મુવમેન્ટ હેઠળ સાયક્લોથોન સંપન્ન
હજારો લોકો કડકડતી ઠંડી હોવા છતાં જોડાયા, પરંતુ મોટાભાગના નેતાઓ ગાયબઃ મ્યુનિ.ના તંત્રને તો છૂટકો જ નહોતો !
જામનગર મહાનગરપાલિકા દ્વારા ફીટ ઈન્ડિયા મુવમેન્ટ અંતર્ગત સ્વદેશી અપનાવોના સંદેશ સાથે તા. ૧૩ અને ૧૪ ના મેરેથોન અને સાયક્લોથોનનું આયોજન કરવામાં આવ્યું હતું. ગઈકાલે પોલીસ હેડ ક્વાટર્સથી બે કેટેગરીની સાયક્લોથોન યોજાઈ હતી, જેને ઉપસ્થિત મહાનુભાવોએ ઝંડી બતાવી પ્રસ્થાન કરાવી હતી. પ્રથમ ૧૦ કિ.મી.ની સાયક્યોથોન પોલીસ હેડ ક્વાટર્સથી શરૂસેક્શન રોડ, ગવર્મેન્ટ પોલટેકનિક કોલેજ, હાલાર સોલ્ટથી શરૂસેક્શન રોડથી પોલીસ હેડ ક્વાટર્સ અને રપ કિ.મી.ની સાયક્લોથોન પોલીસ હેડ ક્વાટર્સથી શરૂસેક્શન રોડ, ગવર્મેન્ટ પોલીટેકનિક કોલેજ, રોઝી પોર્ટ ગેઈટથી શરૂસેક્શન રોડ થઈ પોલીસ હેડ ક્વાટર્સ સુધી રાખવામાં આવી હતી. ગઈકાલે કડકડતી ઠંડીમાં વહેલી સવારે ૬-૩૦ કલાકે આયોજીત આ સાયક્લોથોનમાં રપ૦૦ લોકોએ રજિસ્ટ્રેશન કરાવ્યું હતું અને અસંખ્ય લોકો જોડાયા હતાં, અને સાયકલ ચલાવી ફીટ ઈન્ડિયા માટેનો સંદેશો આપ્યો હતો. આ કાર્યક્રમમાં ડેપ્યુટી મેયર ક્રિષ્નાબેન સોઢા, મ્યુનિ. કમિશનર ડી.એન. મોદી, ડીએમસી દેવેન્દ્રસિંહ ઝાલા, ડી.વાય.એસ.પી. ઝાલા, શાસક પક્ષના નેતા આશિષ જોષી, સિટી ઈજનેર ભાવેશ જાની, આસી. કમિશનર મુકેશ વરણવા સહિતનાઓ જોડાયા હતાં, અને અનેક સ્થાનિક નેતાઓ હાજર રહ્યા નહતાં. સાયક્લોથોનમાં જોડાયેલા તમામ સમર્થકોને યુનિક નંબર અને એસ્ટ નંબર આપવામાં આવ્યા હતાં, અને સ્પર્ધા પૂર્ણ કરનારાઓના નામનો ટોકન સિસ્ટમથી ડ્રો કરીને બન્ને કેટેગરીમાં દસ-દસ સાયકલ આપવામાં આવી હતી. સ્ણર્ધકો માટે સમગ્ર રૂટ ઉપર પાણી, સોફ્ટડ્રીંકની વ્યવસ્થા કરવામાં આવી હતી. ઉપરાંત મેડિકલ, ફાયર ટીમ ખડેપગે રહી હતી. આ ઈવેન્ટમાં ખાનગી પાર્ટીઓનો સાયકલ-ટી શર્ટ માટે સહયોગ મળ્યો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
