જાયન્ટ રાઈડ્સના બદલે નાની રાઈડ્સને જ મંજુરી અને માર્ગો પર થતા પાથરણા પર અંકુશ

Author: નોબત સમાચાર

જાયન્ટ રાઈડ્સના બદલે નાની રાઈડ્સને જ મંજુરી અને માર્ગો પર થતા પાથરણા પર અંકુશ

શ્રાવણી મેળામાં રાજકોટની જેમ જામનગરમાં પણ થશે ખરૂં?

જામનગર તા. ૧૧: જામનગરમાં આ વર્ષે અડધા પ્રદર્શન ગ્રાઉન્ડમાં શ્રાવણી મેળો યોજવાનું નક્કી થયું છે ત્યારે રાજકોટ મહાનગરપાલિકાની જેમ આ વર્ષે જાયન્ટ રાઈડ્સના બદલે નાની-મધ્યમ અને ઓછી જગ્યા રોકતી સલામત રાઈડ્સને જ મંજુરી અપાશે, તથા મેળાના સ્થળે પ્રદર્શન ગ્રાઉન્ડની બહાર રેંકડી-પથારા-કેબિનોવાળાને પાછળના ભાગે જગ્યા આપીને સાત રસ્તાથી લાલબંગલાનો માર્ગ એસ.ટી. બસો માટે ખુલ્લો રખાય, અને કોલેજની સાઈડમાં પાર્ક થતા નાના-મોટા તમામ વાહનોનું પાર્કિંગ અન્યત્ર કે કોલેજના પાછળના મેદાનમાં થાય, તેવા સૂચનો વિચારાઈ રહ્યા હોવાનું ચર્ચાય છે. તે ઉપરાંત ચોમાસાને ધ્યાને લઈને માત્ર સુરક્ષિત કામચલાઉ વીજ-જોડાણો અપાય તથા ઈમરજન્સી એકઝીટ ગેઈટ (વધારાના) ઊભા કરાય, તેવા સૂચનો પણ થઈ રહ્યા છે. અત્રે ઉલ્લેખનિય છે કે, રાજકોટમાં મહાનગરપાલિકા દ્વારા આ વર્ષે મેળાના આયોજનમાં ગેઈમ ઝોનની દુર્ઘટનાના અનુભવે આ વખતે કેટલાક સુધારા-વધારા આયોજનમાં કર્યા છે, અને સેઈફ ગાર્ડ વધાર્યા છે, તેનો જામનગર મનપાની ટીમ અભ્યાસ કરશે અને પછી આખરી આયોજન કરશે, તે ઈચ્છનિય રહેશે.

જો આપને આ પોસ્ટ ગમી હોય તો શેર કરો...