Author: નોબત સમાચાર
ખંભાળીયાના માંઝામાં થયેલી લૂંટના પાંચ આરોપીને મધ્યપ્રદેશમાંથી દબોચી લેવાયા
પોલીસ પર હૂમલો કરવાની પણ ટોળકીની આદતઃ
જામનગર તા. ૩૦: ખંભાળીયાના માંઝા ગામમાં થોડા દિવસ પહેલા રાત્રીના સમયે લૂટનો એક બનાવ બન્યો હતો. આ ગુન્હાના આરોપીઓના પોલીસ દ્વારા સગડ દબાવાતા હતા. જેમાં દ્વારકા એસઓજીએ મધ્યપ્રદેશમાં આ ટોળકીનું પગેરૂ શોધી કાઢી ત્યાંથી પાંચ શખ્સની લૂંટમાં ગયેલા ૧૬૮ ગ્રામ ચાંદીના દાગીના સાથે અટકાયત કરી છે. આ શખ્સો પોલીસ પર હૂમલો કરી ચોરી તથા લૂંટ કરવાની આદત ધરાવે છે.
દેવભૂમિ દ્વારકા જિલ્લાના ખંભાળીયા તાલુકાના માંઝા ગામમાં થોડા સમય પહેલા રાત્રીના સમયે લૂંટનો એક બનાવ બન્યો હતો, જેની પોલીસમાં ફરિયાદ થયા પછી તપાસ શરૂ કરવામાં આવી હતી. પોલીસે તે સ્થળથી અન્ય સ્થળો સુધી મુકવામાં આવેલા જુદા જુદા સીસીટીવી કેમેરાના ફૂટેજ ચકાસ્યા હતા.
આ ફૂટેજમાં દેખાતા શખ્સોના સગડ દબાવાઈ ગયા હતા જેમાં દેવભૂમિ દ્વારકા એસઓજી ટીમ પણ તપાસ કરી રહી હતી. ટેકનિકલ એનાલીસીસમાં ખૂલ્યું હતું કે આ લૂંટમાં સંડોવાયેલા કેટલાક શખ્સો મધ્યપ્રદેશના અલીરાજપુર જિલ્લાના ઉદયગઢ કનાસ ગામમાં આવ્યા છે. તે વિગતોથી એસઓજીના ઈન્ચાર્જ પીઆઈ કે.કે.ગોહીલને વાકેફ કરાયા પછી પીએસઆઈ વી.એન. સીંગરખીયાના વડપણ હેઠળની એસઓજી ટીમ મધ્યપ્રદેશ ધસી ગઈ હતી.
ત્યાંથી અલપસીંગ ગુમાનસીંગ માવી, થાનસીંગ જોતીયા સીંગાડ, કમરૂ ભુરસીંગ ભુરીયા, કેનુ પીળુ માવી, મહેશ બાલમુકુંદ સોની નામના પાંચ શખ્સને દબોચી લેવામાં આવ્યા હતા. આ શખ્સોની તલાશી લેવાતા ૧૬૮ ગ્રામ વજનના ચાંદીના ઘરેણા મળી આવ્યા હતા. આ શખ્સોને અટકાયતમાં લઈ ખંભાળીયા ખસેડવામાં આવ્યા છે. આ શખ્સોએ ઉપરોક્ત લૂંટની કબૂલાત આપી છે.
આરોપીઓની પૂછપરછમાં ખૂલ્યું છે કે આ ટોળકી લૂંટ તથા ચોરી કરવા ઉપરાંત પોલીસ પર હૂમલો કરવાની પણ ટેવ ધરાવે છે. આરોપીઓની રિમાન્ડ માટેની તજવીજ કરવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
