Author: નોબત સમાચાર
ઈંધણ ભરેલા ટેન્કરમાંથી ખાનગી મોટરમાં કાઢવામાં આવતું હતું ડીઝલઃ પોલીસમાં રાવ
ઈંધણ મંગાવનાર આસામીની ચાર સામે ફરિયાદઃ
જામનગર તા. ૧૨: જામનગર-ખંભાળિયા રોડ પર ઝાખર ગામ પાસે ગઈકાલે બપોરે ઈંધણ ભરેલા એક ટેન્કરમાંથી ખાનગી મોટરમાં ડીઝલ ટ્રાન્સફર કરાતું હતું ત્યારે જ તે જથ્થો મંગાવનાર આસામી આવી જતાં ભોપાળુ છતું થયું છે. ટેન્કર ચાલક સહિત ત્રણ સામે પોલીસમાં ફરિયાદ કરવામાં આવી છે.
જામનગર-ખંભાળિયા રોડ પર આવેલા ઝાખર ગામના પાટીયા પાસે બંધ રહેલા એક પેટ્રોલપંપ નજીક એક ટેન્કર ઉભુ રાખી તેમાંથી એક નળી બહાર કાઢી બાજુમાં ઉભેલી મોટરમાં ઈંધણ ભરાઈ રહ્યું હોવાની વિગતો મળતા મૂળ ભાવનગર જિલ્લાના સિહોર તાલુકાના વતની અને હાલમાં રાજકોટમાં યુનિ. રોડ પર રહેતા ગિરીરાજસિંહ હરીશચંદ્રસિંહ ગોહિલ દોડી ગયા હતા.
ત્યાં જઈને તેઓએ જોતા તેઓએ નયારા એનર્જીમાંથી જે ટેન્કરમાં પેટ્રોલ-ડીઝલ મંગાવ્યા હતા. તે જીજે-૩૬-વી ૪૧૩૧ નંબરના ટેન્કરમાં નળી મૂકી બાજુમાં પડેલી જીજે-૧૩-એન ૧૦૮૬ નંબરની મોટરમાં ડીઝલ કાઢવામાં આવતું હોવાનું જણાઈ આવ્યું હતું.
આ આસામીએ સરમરીયા દાદા ટ્રાન્સપોર્ટ નામની પેઢીના આ ટેન્કરમાં ઈંધણ મંગાવ્યું હતું અને તે ટેન્કર નયારા એનર્જીમાંથી ઈંધણ ભરીને બહાર નીકળ્યા પછી ઝાખર ગામના પાટીયા પાસે બંધ પડેલા પેટ્રોલપંપ પાસે ઉભુ રાખી તેમાંથી ઉપરોક્ત ઘાલમેલ કરાતી હતી. મેઘપર પોલીસ સ્ટેશનમાં તેઓએ ફરિયાદ નોંધાવી ૨૦ લીટર જેટલું ડીઝલ કાઢી લેવા અંગે તે ટેન્કરના ચાલક તથા બે અજાણ્યા શખ્સ સામે ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
