Author: નોબત સમાચાર
દ્વારકાના કુરંગાના વાડી વિસ્તારમાં જામેલી જુગારની મહેફિલ પર દરોડો
લાંબા-ચોખંડા ગામમાંથી પણ પત્તાપ્રેમી પકડાયાઃ
જામનગર તા. ૬: દ્વારકા નજીકના કુરંગા ગામના વાડી વિસ્તારમાં એક મકાનમાંથી તીનપત્તી રમતા આઠ શખ્સ રૂ૨ લાખની રોકડ સાથે ઝડપાી ગયા છે. લાંબામાંથી છ અને ચોખંડા ગામમાંથી પાંચ પત્તાપ્રેમીને પોલીસે પકડી પાડ્યા છે.
દ્વારકા તાલુકાના કુરંગા ગામના વાડી વિસ્તારમાં એક શખ્સ પોતાના ભાડાના મકાનમાં જુગાર રમાડતો હોવાની બાતમી પરથી દ્વારકા પોલીસ મથકના સ્ટાફે ગઈકાલે મીયાઝરભા દેવાણંદભા ચમડીયાએ ભાડે રાખેલા મકાનમાં દરોડો પાડ્યો હતો.
ત્યાં ગંજીપાના વડે જુગાર રમતા મીયાઝરભા ઉપરાંત કાનાભા હાજાભા માણેક, સાગર ધુધાભા માણેક, રઘુવીરસિંહ સુરેન્દ્રસિંહ કેર, પત્રામલભા પલાભા માણેક, સનાભા અજાભા માણેક, કાનાભાઈ તેજાભાઈ માતકા અને દેવાત મેપાભાઈ વીકમા નામના આઠ શખ્સ મળી આવ્યા હતા. પોલીસે પટમાંથી રૂ૨૦૦૬૦૦ રોકડા, છ મોબાઈલ ઝબ્બે લીધા છે.
કલ્યાણપુરના લાંબા ગામમાં ગુરૂવારની રાત્રે તીનપત્તી રમતા લલીત નાથાભાઈ ધારાણી, વજશીભાઈ રાણાભાઈ ચેતરીયા, પરબતભાઈ જગાભાઈ ચેતરીયા, અરશીભાઈ મશરીભાઈ કંડોરીયા, મનસુખભાઈ ડોસાભાઈ આલ, ભીમાભાઈ ભાયાભાઈ કરમુર નામના છ શખ્સ ઝડપાઈ ગયા હતા. પોલીસે પટમાંથી રૂ૧૧૪૦૦ રોકડા કબજે કરી જુગારધારાની કલમ ૪, પ હેઠળ ગુન્હો નોંધ્યો છે.
ભાણવડ તાલુકાના ચોખંડા ગામમાં ગઈકાલે સાંજે રોનપોલીસ રમતા હમીરભાઈ કરશનભાઈ ભાટુ, હરેશ ભોજાભાઈ ભાટુ, ભાયાભાઈ જેઠાભાઈ ભાટુ, પ્રફુલ ધનાભાઈ રાવલીયા, વિજય માલદેભાઈ ભાટુ નામના પાંચ શખ્સ પોલીસના દરોડામાં રૂ૧૫૧૫૦ સાથે ઝડપાઈ ગયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
