Author: નોબત સમાચાર
ભારત, ચીન અને બ્રાઝિલ રશિયા સાથે વેપાર કરે તો ૧૦૦ ટકા ગૌણ પ્રતિબંધઃ માર્ક રૂટે
નાટો ચીફની ત્રણેય દેશોને ખુલ્લી ધમકી
નવી દિલ્હી તા. ૧૬: રશિયા સાથેના વેપાર અંગે નાટો ચીફે ભારતને ખુલ્લેઆમ ધમકી આપી છે. તેમણે ૧૦૦% પ્રતિબંધનો ભય દર્શાવ્યો છે અને બ્રાઝિલ અને ચીનનું પણ નામ લીધું છે. જો ભારત રશિયા સાથે વેપાર ચાલુ રાખશે તો તેને ગંભીર આર્થિક દંડનો સામનો કરવો પડી શકે છે, તેમ પણ કહ્યું છે.
નાટોના વડા માર્ક રુટેએ રશિયા સાથેના સંબંધો અંગે ભારતને ખુલ્લી ધમકી આપી છે અને કહૃાું છે કે જો તે રશિયા સાથે વેપાર ચાલુ રાખશે તો તેને ગંભીર આર્થિક દંડ (ગૌણ પ્રતિબંધો)નો સામનો કરવો પડી શકે છે. ભારતની સાથે તેમણે ચીન અને બ્રાઝિલનું પણ નામ લીધું હતું. ખાસ વાત એ છે કે આ બધા બ્રિક્સ જૂથના દેશો છે.
ભારતે અગાઉ કહૃાું છે કે તે રાષ્ટ્રીય હિતને ધ્યાનમાં રાખીને તેના વેપાર સંબંધોને મહત્વ આપે છે. ગઈકાલે યુએસ સેનેટરોને મળ્યા બાદ પત્રકારો સાથે વાત કરતા, રૂટે ભારત, ચીન અને બ્રાઝિલના નેતાઓને રશિયાના રાષ્ટ્રપતિ વ્લાદિમીર પુતિન પર શાંતિ વાટાઘાટોને ગંભીરતાથી લેવા માટે દબાણ લાવવા વિનંતી કરી હતી.
રૂટે કહૃાું હતુ કે જો ચીનના રાષ્ટ્રપતિ, ભારતના વડાપ્રધાન અને બ્રાઝિલના રાષ્ટ્રપતિ રશિયા સાથે વેપાર કરવાનું ચાલુ રાખે અને તેમનું તેલ અને ગેસ ખરીદે અને મોસ્કોમાં બેઠેલી વ્યક્તિ શાંતિ મંત્રણાને ગંભીરતાથી નહીં લે, તો હું ૧૦૦ ટકા ગૌણ પ્રતિબંધો લાદીશ.
રૂટે ભારત અને અન્ય બે દેશોના નેતાઓને શાંતિ વાટાઘાટો માટે સીધા પુતિનને અપીલ કરવાની અપીલ કરી. તેમણે કહૃાું, કૃપા કરીને વ્લાદિમીર પુતિનને ફોન કરો અને તેમને કહો કે તેમણે શાંતિ વાટાઘાટો પ્રત્યે ગંભીર બનવું પડશે, નહીં તો બ્રાઝિલ, ભારત અને ચીન માટે તેના મોટા પરિણામો આવશે.
નાટોના વડાની આ ટિપ્પણી અમેરિકાના રાષ્ટ્રપતિ ડોનાલ્ડ ટ્રમ્પ દ્વારા રશિયા અને તેના વેપારી ભાગીદારો સામે ૧૦૦ ટકા ગૌણ ટેરિફની જાહેરાત કર્યાના એક દિવસ પછી આવી છે. આ સાથે, વ્હાઇટ હાઉસે નાટો દ્વારા યુક્રેનને નવા શષાોના સપ્લાયને પણ મંજૂરી આપી. વ્હાઇટ હાઉસે કહૃાું કે ટ્રમ્પની યોજનામાં પેટ્રિઅટ મિસાઇલ સિસ્ટમ જેવા ખતરનાક શાસ્ત્રો મોકલવાનો સમાવેશ થાય છે. કિવ આ શાસ્ત્રોને રશિયન હવાઈ હુમલાઓનો સામનો કરવા માટે મહત્ત્વપૂર્ણ માને છે.
જો કે, તે પછી ટ્રમ્પે યુક્રેનના રાષ્ટ્રપતિને કરેલા સવાલો પછી અમેરિકાએ ફરીથી વલણ બદલ્યુ હોવાની ચર્ચા ઉઠી રહી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
