Author: નોબત સમાચાર
પગાર મોકલી આપવા પિતાએ કહ્યાપછી પરપ્રાંતીય શ્રમિકનો ગળાફાંસો
યુવાનના માતા બીમાર હોવાથી પૈસાની જરૃર હતીઃ
જામનગર તા. ૧૪ઃ ધ્રોલના સણોસરામાં આવેલી સ્પેનીંગ મીલમાં નોકરી કરતા ઓરિસ્સાના એક યુવાને પૈસા મોકલી આપવાની બાબતે પિતાનો ઠપકો મળતા શુક્રવારે સવારે ગળાફાંસો ખાઈ આત્મહત્યા કરી લીધી છે.
ધ્રોલ તાલુકાના સણોસરા ગામમાં આવેલી જીઆરવી જીનિંગ મીલમાં મજૂરીકામ માટે આવીને રહેતા મૂળ ઓરિસ્સા રાજ્યના ભદ્રક જિલ્લાના તીહોડી ગામના વતની શ્રીકાંત પ્રફુલા વનમાળી માજી નામના ૨૨ વર્ષના યુવાને ગયા શુક્રવારે સવારે આઠ વાગ્યાથી બપોરના એક વાગ્યા સુધીમાં સ્પિનિંગ મિલમાં જ આવેલા પોતાના રહેણાંકના ઓરડામાં પંખામાં ટુવાલ વડે ગળાફાંસો ખાઈ લીધો હતો. જેની જાણ થતા સાથી કર્મચારીઓએ આ યુવાનને સારવાર માટે ધ્રોલની સરકારી હોસ્પિટલમાં ખસેડ્યો હતો જ્યાં ફરજ પરના તબીબે આ યુવાનને ચકાસ્યા પછી મૃત્યુ પામેલો જાહેર કર્યો હતો.
આ બાબતની મૃતક યુવાનના પરિવારને જાણ કરવામાં આવતા ઓરિસ્સાથી તેના પિતા પ્રફુલ્લા વનમાળી માજી દોડી આવ્યા હતા. તેઓનું પોલીસે નિવેદન નોંધ્યું છે. નિવેદનમાં જણાવ્યા મુજબ થોડા દિવસ પહેલાં પિતા પ્રફુલ્લાભાઈએ પોતાના પુત્ર શ્રીકાંતને ફોન કરીને કહ્યું હતું કે, હાલમાં તારા માતાની તબિયત સારી નથી, જો તારો પગાર થઈ ગયો હોય તો ઘરે પૈસા મોકલી આપજે. આ વેળાએ શ્રીકાંત પોતાની પાસે પૈસા ન હોવાનું કહેતા પિતાએ તેને ઠપકો આપ્યો હતો. આ બાબતથી માઠું લાગી આવતા યુવાને આત્મહત્યા કરી લીધી છે પોલીસે નિવેદનની નોંધ કરી આગળની કાર્યવાહી હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
