એસસીઓ સમિટમાં ત્રણ મહાશકિતઓનું મિલનઃ ટ્રમ્પને સ્પષ્ટ સંદેશ

Author: નોબત સમાચાર

એસસીઓ સમિટમાં ત્રણ મહાશકિતઓનું મિલનઃ ટ્રમ્પને સ્પષ્ટ સંદેશ

તિયાનજીનમાં ત્રિપુટીનો તરવરાટઃ પાક. પી.એમ. એકલા પડયાઃ આતંકવાદના મુદ્દે મોદીએ પાક.ને તતડાવ્યુઃ મોદી-પુતિન-જીનપીંગ વચ્ચે અદ્ભુત કેમેસ્ટ્રી

તિયાનજીન તા.૧: ચીનના તિયાનજીંગમાં એસસીઓ સમિટમાં અદ્ભુત કેમેસ્ટ્રી સાથે વડાપ્રધાન મોદી, ચીનના રાષ્ટ્રપતિ જીનપીંગ સાથે રશિયાના રાષ્ટ્રપતિ પુતિનની મુલાકાતના દૃશ્યો વિશ્વની ત્રણ મહાશકિતના મિલન જેવા ગરિમામય જણાવ્યા હતા, અને ટ્રમ્પને આ સ્પષ્ટ સંદેશ હતો. વડાપ્રધાને પોતાના પ્રવચનમાં પાક પી.એમ.ની હાજરીમાં આતંકવાદના મુદ્ે ટ્રમ્પના બેવડા વલણોની પણ પરોક્ષ રીતે ટીકા કરી હતી.

ચીનના તિયાનજીનમાં એસસીઓ સમિટ યોજાઈ રહી છે. વિશ્વની મહાસત્તાઓ અહીં એકઠી થઈ છે. એસસીઓ પ્લેટફોર્મ પર વડાપ્રધાન નરેન્દ્ર મોદી, રશિયાના રાષ્ટ્રપતિ વ્લાદિમીર પુતિન અને ચીનના રાષ્ટ્રપતિ શી જિનપિંગ એકસાથે દેખાયા હતા. ત્રણેય અનૌપચારિક વાતચીત કરતા જોવા મળ્યા હતા. આ દરમિયાન ત્રણેય વચ્ચે અદ્ભુત કેમેસ્ટ્રી જોવા મળી હતી.

પાકિસ્તાન પણ એસસીઓનો ભાગ હોવાથી, પાકિસ્તાનના પીએમ શાહબાઝ શરીફ પણ આ કોન્ફરન્સમાં ભાગ લેવા આવ્યા છે. જ્યારે પીએમ મોદી અને પુતિન એકબીજા સાથે વાત કરતા હોલમાંથી પસાર થઈ રહૃાા હતા. ત્યારે શાહબાઝ શરીફ એક ખૂણામાં હાથ જોડીને એકલા ઉભા જોવા મળ્યા. ન તો કોઈ તેમની સાથે વાત કરી રહૃાું હતું અને ન તો કોઈ તેમની તરફ ધ્યાન આપી રહૃાું હતું.

વાયરલ થઈ રહેલા કેટલાક વીડિયોમાં સ્પષ્ટપણે જોઈ શકાય છે કે વડા પ્રધાન મોદી અને રાષ્ટ્રપતિ પુતિન વચ્ચે ફરી એકવાર જૂની ઉષ્મા દેખાઈ રહી હતી. બંને નેતાઓએ સ્મિત સાથે એકબીજાનું સ્વાગત કર્યું અને સાથે આગળ વધ્યા. આ દરમિયાન, પાકિસ્તાનના વડા પ્રધાન શાહબાઝ શરીફ નજીકમાં ઉભા જોવા મળ્યા, પરંતુ કોઈએ તેમના પર ખાસ ધ્યાન આપ્યું નહીં.

આ વખતે એસસીઓ સમિટમાં, પ્રાદેશિક સુરક્ષા, આર્થિક સહયોગ, આતંકવાદ અને વેપાર પર મુખ્ય ચર્ચાઓ થઈ રહી છે. ભારત આ પ્લેટફોર્મ દ્વારા મધ્ય એશિયા અને પડોશી દેશો સાથે સંબંધો મજબૂત કરવાની રણનીતિ પર કામ કરી રહૃાું છે. વીડિયોમાં, મોદી અને પુતિન સ્ટેજ પર આગળ વધતા હસતા અને વાત કરતા જોઈ શકાય છે, જ્યારે શાહબાઝ શરીફની હાજરી લગભગ કોઈનું ધ્યાન ખેંચાઈ ન હતી. ઘણા નિષ્ણાતો આને ભારત-પાકિસ્તાન સંબંધોમાં વર્તમાન અંતર સાથે પણ જોડી રહૃાા છે.

સંયુક્ત બેઠકમાં, વડા પ્રધાન નરેન્દ્ર મોદીએ પાકિસ્તાનનું નામ લીધા વિના, આતંકવાદ પર પાકિસ્તાનને ઘેર્યું અને અમેરિકાને તેના સંરક્ષણવાદી, એકપક્ષીય અને આધિપત્યવાદી વલણ માટે ઠપકો આપ્યો. તે જ સમયે, પીએમ મોદીએ કહૃાું કે ભારતે સરહદ પાર આતંકવાદ, અલગતાવાદ અને ઉગ્રવાદ પ્રત્યે શૂન્ય સહિષ્ણુતા અભિગમ અપનાવવાની સતત અપીલ કરી છે. એસસીઓ સંમેલનમાં વડાપ્રધાને ત્રાસવાદનો મુદ્દો ઉઠાવીને વિશ્વ માટે ખતરો ગણાવ્યો. ચીનની ધરતી પર શાહબાઝની હાજરીમાં વડાપ્રધાને ટ્રમ્પને પણ સ્પષ્ટ સંદેશ આપી દીધો.

પોતાના સંબોધનની શરૂઆત કરતા, પીએમ મોદીએ કહૃાું કે પ્રગતિ અને જોડાણનું પ્રતીક શહેર તિયાનજિનમાં આ પ્રતિષ્ઠિત સભાને સંબોધિત કરવી એ સન્માનની વાત છે. ભારતના ૧.૪ અબજ લોકો વતી, હું બધા નેતાઓ અને પ્રતિનિધિઓને હ્ય્દયપૂર્વક અભિનંદન આપું છું. હું રાષ્ટ્રપતિ શીનો આ શિખર સંમેલનનું આયોજન કરવા અને અમને આપવામાં આવેલા ભવ્ય આતિથ્ય બદલ આભાર માનું છું. છ સભ્યો સાથે તેની શરૂઆતથી, એસસીઓ દસ પૂર્ણ સભ્યો સુધી વિસ્તર્યું છે, જે વિશ્વની લગભગ અડધી વસ્તી અને વૈશ્વિક અર્થતંત્રનો મહત્વપૂર્ણ ભાગ છે. ભારત પ્રાદેશિક સ્થિરતા, સુરક્ષા અને સમૃદ્ધિને પ્રોત્સાહન આપવામાં આ સંગઠનની ભૂમિકા માટે પ્રતિબદ્ધ છે. આતંકવાદ વિશે વાત કરી. પ્રધાનમંત્રીએ કહૃાું કે આતંકવાદ વિશ્વ માટે એક મોટો ખતરો છે. પહેલગામ વિશે વાત કરતા તેમણે કહૃાું કે, આ હુમલો ફક્ત ભારતના અંતરાત્મા પર હુમલો નથી પરંતુ તે માનવતા માટે એક પડકાર છે. તેમણે કહૃાું કે, બેવડા ધોરણો કોઈપણ કિંમતે સ્વીકાર્ય નથી.

મોદીએ કહૃાું કે, આતંકવાદ માનવતા માટે એક સામાન્ય પડકાર છે. ભારત લાંબા સમયથી આતંકવાદનો ભોગ બની રહૃાું છે. ઘણા બાળકો અનાથ બન્યા છે. તાજેતરમાં, પહલગામમાં આતંકવાદનું ખૂબ જ કદરૂપું સ્વરૂપ જોવા મળ્યું. હું અમારી સાથે રહેલા મિત્ર દેશોનો આભાર માનું છું. પ્રશ્નો ઉભા થવા સ્વાભાવિક છે. અમે આતંકવાદ પર કોઈપણ બેવડા ધોરણોને સ્વીકારીશું નહીં. તેમણે કહૃાું કે, અમે દરેક પ્રકારના આતંકવાદનો વિરોધ કરીએ છીએ.

પ્રધાનમંત્રીએ ચીનને સંદેશ પણ આપ્યો કે, એસસીઓમાં લ્ નો અર્થ સુરક્ષા અને ૦ નો અર્થ તક છે. પ્રધાનમંત્રી નરેન્દ્ર મોદીએ એસસીઓ ની નવી વ્યાખ્યા આપીને સ્પષ્ટ કર્યું છે કે તે ચીન દ્વારા પ્રભુત્વ ધરાવતું સંગઠન નથી પરંતુ પડકારોનો સામનો કરવા માટે બનાવવામાં આવેલ સંગઠન છે. પ્રધાનમંત્રીએ આતંકવાદ પર બેવડા ધોરણો માટે ચીન અને અમેરિકા બંનેને એક સાથે ઠપકો આપ્યો છે. ઓપરેશન સિંદૂર દરમિયાન, ચીને પડદા પાછળથી પાકિસ્તાનને ટેકો આપ્યો હતો. જ્યારે અમેરિકા ટેરિફ અંગે પાકિસ્તાન પ્રત્યે નરમ વલણ ધરાવે છે. આવી સ્થિતિમાં, પીએમ મોદીએ એક કાંકરે બે પક્ષીઓ માર્યા છે.

ચીનના તિયાનજિનથી આવેલી આ તસવીરો ચોકકસપણે અમેરિકન રાષ્ટ્રપતિ ટ્રમ્પને મુશ્કેલીમાં મુકશે. ટ્રમ્પે ભારત સામે ટેરિફ બોમ્બ ફેંકયો છે, પરંતુ ભારતે સ્પષ્ટ કરી દીધું છે કે તે કોઈપણ દબાણ સામે ઝૂકશે નહીં. અમેરિકા સાથેના સંબંધોમાં ઉતાર-ચઢાવ વચ્ચે, ભારત રશિયા અને ચીનની નજીક આવી રહ્યું છે. રાષ્ટ્રપતિ ટ્રમ્પને પણ આ નિકટતા ગમશે નહીં.

આ એક સંદેશ હતો કે કોઈ ત્રીજો દેશ આપણી વિદેશ નીતિને પ્રભાવિત કરી શકે નહીં. આ સંદેશ સીધો યુએસ પ્રમુખ ટ્રમ્પ માટે છે.

આજે શાંઘાઈ કોઓપરેશન ઓર્ગેનાઈઝેશન (એસસીઓ)ના પ્લેટફોર્મ પરથી એક ખૂબ જ શક્તિશાળી તસવીર સામે આવી. એક તરફ, આ તસવીરે અમેરિકાના મનસ્વી ટેરિફ વલણનો અરીસો બતાવ્યો, અને બીજી તરફ દુનિયાને કહૃાું કે ભારત ડોનાલ્ડ ટ્રમ્પની દરેક વ્યૂહરચનાનો સામનો કરી શકે છે.

આ પહેલા, સોમવારે તિયાનજિનમાં ૧૦-સભ્યોના શાંઘાઈ કોઓપરેશન ઓર્ગેનાઈઝેશન (એસસીઓ)ના રાષ્ટ્રપ્રમુખોની શિખર સંમેલન શરૂ થઈ હતી. પ્રધાનમંત્રી નરેન્દ્ર મોદીએ જૂથની ભાવિ દિશા નક્કી કરવા માટે સંગઠનના અન્ય નેતાઓ સાથે દિવસભર ચર્ચા શરૂ કરી. ચીનના રાષ્ટ્રપતિ શી જિનપિંગે નેતાઓનું સ્વાગત કર્યું. ૨૫મી શિખર સમ્મેલન રવિવારે રાત્રે શી જિનપિંગ દ્વારા આયોજિત ભવ્ય ભોજન સમારંભ સાથે ઔપચારિક રીતે શરૂ થઈ. પ્રધાનમંત્રી મોદી અને રશિયન રાષ્ટ્રપતિ વ્લાદિમીર પુતિન સહિત અન્ય લોકોએ તેમાં હાજરી આપી હતી.

આ વર્ષના શિખર સમ્મેલનને એસસીઓ જૂથનું સૌથી મોટું શિખર સમ્મેલન ગણાવવામાં આવ્યું હતું, કારણ કે આ વર્ષે સંગઠનનું અધ્યક્ષપદ સંભાળી રહેલા ચીન દ્વારા ૨૦ વિદેશી નેતાઓ અને ૧૦ આંતરરાષ્ટ્રીય સંગઠનોના વડાઓને એસસીઓ પ્લસ સમ્મેલનમાં હાજરી આપવા માટે આમંત્રણ આપવામાં આવ્યું છે.

સોશિયલ મીડિયા એકસ પર તસ્વીરો શેર કરી

પુતિનને મળવા હંમેશા આનંદદાયકઃ મોદી

નવી દિલ્હી તા. ૧: વડાપ્રધાન નરેન્દ્ર મોદી ૭ વર્ષ પછી ચીનના પ્રવાસે છે. ગઈકાલે પીએમ મોદી ચીનના રાષ્ટ્રપતિ શી જિનપિંગને મળ્યા હતા. આજે, આખરે ચીનમાંથી તે તસવીરો સામે આવી છે, જેની આખી દુનિયા આતુરતાથી રાહ જોઈ રહી હતી. એસસીઓ સમિટ પહેલા, પીએમ મોદી, શી જિનપિંગ અને રશિયન રાષ્ટ્રપતિ વ્લાદિમીર પુતિન એક મંચ પર જોવા મળ્યા હતા. પુતિને પીએમ મોદીને જોતા જ તેમને ગળે લગાવ્યા. બંને નેતાઓ હાથ મિલાવતા અને એકબીજાને ગળે લગાવતા હોય તેવા ફોટા સામે આવ્યા છે. પીએમ મોદીએ પોતે આ તસવીરો તેમના સોશિયલ મીડિયા પ્લેટફોર્મ એકસ પર શેર કરી છે. રશિયન રાષ્ટ્રપતિ પુતિન સાથેની તસવીરો શેર કરતા પીએમ મોદીએ કેપ્શનમાં લખ્યુ, રાષ્ટ્રપતિ પુતિનને મળવું હંમેશા આનંદદાયક હોય છે. આ તસવીરો એવા સમયે સામે આવી છે જયારે યુએસ રાષ્ટ્રપતિ ડોનાલ્ડ ટ્રમ્પે રશિયા પાસેથી તેલ ખરીદવાનું કારણ આપીને ભારત પર ૫૦ ટકા ટેરિફ લાદ્યો છે.

જો આપને આ પોસ્ટ ગમી હોય તો શેર કરો...