Author: નોબત સમાચાર
પત્નીને મેસેજ ન કરવાનું કહેવા ગયેલા યુવાન પર યુવતી સહિત પાંચનો હલ્લો
એક્ટિવામાં હોકી ફટકારી નુકસાન કરાયું:
જામનગર તા. ૩૦: ઓખામંડળના આરંભડામાં એક યુવાન પોતાની પત્નીને ઈન્સ્ટાગ્રામ પર મેસેજ કરતા શખ્સને કહેવા જતા તેમના પર એક યુવતી સહિત પાંચે લાકડી-ધોકા, ઢીકાપાટુથી હુમલો કરવા ઉપરાંત એક્ટિવામાં તોડફોડ કરી નાખી હતી.
ઓખામંડળના આરંભડા ગામમાં રહેતા સતિષભાઈ પરબતભાઈ સીંગરખીયા નામના યુવાનના પત્નીને ઈન્સ્ટાગ્રામ પર અવારનવાર ઘેલુ મનુભાઈ વેગડા નામનો શખ્સ મેસેજ કરતો હતો. તેથી બુધવારે રાત્રે સતિષભાઈ ઘેલુને સમજાવવા માટે તેના ઘરે ગયા ત્યારે ઘેલુના પિતા મનુએ સવારે વાત કરીશું તેમ કહ્યું હતું.
ત્યારપછી પોતાના ઘર તરફ પરત જતા સતિષભાઈને માર્ગમાં ઘેલુ તેમજ નાગુ મનુ વેગડા, રાજુ મંગા ખવાસ નામના શખ્સોએ રોકી લઈ ગાળો ભાંડ્યા પછી નાગુ વેગડાએ ધોકો ફટકાર્યાે હતો અને ઘેલુએ લાકડીથી હુમલો કર્યાે હતો. રાજુએ ઢીકાપાટુથી માર માર્યાે હતો. તે દરમિયાન મનુ વેગડા અને શિતલ વેગડા પણ આવી ગયા હતા. તેઓએ માર માર્યાે હતો અને આ ટોળાએ હોકીથી સતિષભાઈના સ્કૂટરમાં તોડફોડ કરી હતી. પોલીસે ગુન્હો નોંધી તપાસ હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
