Author: નોબત સમાચાર
પોલીસ કેસમાં નામ બાબતે ઉશ્કેરાયેલા શખ્સોએ ઓફિસમાં ઘૂસી મચાવી ધમાલ
દરેડમાં યુવાન પર લાકડી-પથ્થરથી હુમલોઃ
જામનગર તા. ૧૦: જામનગરના રામેશ્વરનગરમાં ઓફિસ ધરાવતા એક યુવાન પર ગઈકાલે બે શખ્સે તારા ભાઈએ પોલીસ કેસમાં મારૃં નામ કેમ આપ્યું તેમ કહી ગાળો ભાંડ્યા પછી ઓફિસના કાચમાં તથા સીસીટીવી કેમેરામાં ધોકા ફટકાર્યા હતા. જ્યારે દરેડમાં એક યુવાન પર જૂની વાતનો ખાર રાખી એક મહિલા સહિત બેએ લાકડી-પથ્થરથી હુમલો કર્યાે હતો.
જામનગરના રામેશ્વરનગર પાછળ આવેલી ક્રિષ્ના પાર્ક સોસાયટીમાં રહેતા જયપાલસિંહ આદિત્યસિંહ રાણા ગઈકાલે સાંજે રામેશ્વરનગરમાં નવજીવન સોસાયટી પાસે આવેલી રાણા એન્ટરપ્રાઈઝ નામની પોતાની ઓફિસે બેઠા હતા ત્યારે ક્રિષ્ના પાર્કમાં જ રહેતો દિવ્યરાજસિંહ મહેન્દ્રસિંહ જેઠવા તથા માટેલ ચોકમાં રહેતો નરેન્દ્રસિંહ રાયજાદા આવ્યા હતા.
આ શખ્સોમાંથી દિવ્યરાજે તારા ભાઈ મહિપાલસિંહ સામે પોલીસ કેસ થયો તેમાં તારા ભાઈએ મારૃં નામ કેમ લખાવ્યું તેમ પૂછતા જયપાલસિંહે તેની મને કંઈ ખબર નથી તેવો જવાબ આપ્યો હતો. તેથી ઉશ્કેરાઈ ગયેલા દિવ્યરાજ અને નરેન્દ્રસિંહે ગાળો ભાંડી હતી અને તે પછી રોડ પરથી ધોકો ઉપાડી જયપાલસિંહની ઓફિસના કાચ અને સીસીટીવીમાં ફટકાર્યાે હતો. તેને રોકવા જતા જયપાલસિંહને ધમકી આપી બંને શખ્સ ચાલ્યા ગયા હતા. સિટી બી ડિવિઝન પોલીસ સ્ટેશનમાં જયપાલસિંહે ફરિયાદ નોંધાવી છે.
જામનગર-લાલપુર રોડ પર આવેલા દરેડમાં એક મકાનમાં ભાડેથી રહેતા જયંતિભાઈ ગોવાભાઈ સીર નામના મૂળ જામજોધપુરના ઝીણાવારી ગામના વતની ગઈકાલે સાંજે એફસીઆઈના ગોડાઉન પાસે હતા ત્યારે ત્યાં જ રહેતા જગદીશભાઈ ગોસ્વામી, ભાનુબેન જગદીશભાઈ ગોસ્વામીએ જૂની વાતનો ખાર રાખી લાકડી તથા પથ્થરથી હુમલો કરી જયંતિભાઈને માર મારવા ઉપરાંત ઢીકાપાટુથી ધોકાવી નાખ્યા હતા. માથામાં ઈજા પામેલા આ યુવાનને સારવારમાં ખસેડાયા છે. પોલીસે તેઓની ફરિયાદ પરથી ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
