Author: નોબત સમાચાર
ઓખા ફીશરીઝ કચેરીના બે કર્મચારીનો લાંચ લેવાના ગુન્હામાં અદાલતમાં છૂટકારો
ડીઝલની સબસિડી માટે લાંચ મંગાયાનો આક્ષેપઃ
જામનગર તા. ૧૫: ઓખા ફીશરીઝ કચેરીના અધિક્ષક અને ફોરમેન મિકેનિક સામે થોડા વર્ષ પહેલાં લાંચનો ગુન્હો નોંધાયો હતો. તે કેસ ચાલી જતાં અદાલતે બંને આરોપીનો છૂટકારો ફરમાવ્યો છે.
ઓખામંડળના બેટ દ્વારકામાં વસવાટ કરતા એક આસામીએ થોડા વર્ષ પહેલાં જામનગર સ્થિત એસીબી કચેરીમાં ફરિયાદ નોંધાવી તેમાં જણાવ્યું હતું કે, ઓખા ફીશરીફ નિયામક કચેરીમાં ફીશીંગ બોટમાં ડીઝલની સબસિડી પાસ કરવા માટે લાંચ માંગવામાં આવે છે અને તે કચેરીનો કર્મચારી સતિષ બાબુભાઈ દડવીએ એક બોટના રૂ.૭ હજાર લેખે બે બોટના રૂ.૧૪ હજાર માંગ્યા છે.
ફરિયાદના આધારે કચેરીમાં છટકુ ગોઠવાયું હતું. જેમાં સતિષ દડવી રૂ.૧૪ હજાર લેતા ઝડપાઈ ગયો હતો. તે રકમમાંથી સતિષે ઉપરી અધિકારી નારણભાઈ લખમણભાઈ ભેડાને રૂ.૧૦ હજાર આપી દીધા હતા. બંને પાસેથી રૂ.૧૪ હજારની પાવડરવાળી નોટ કબજે કરાઈ હતી અને ગુન્હો નોંધાયો હતો.
ઉપરોક્ત કેસ દ્વારકા જિલ્લાની ખાસ અદાલતમાં ચાલવા પર આવતા આરોપી પક્ષે દલીલ કરી હતી કે, લાંચની પ્રથમ માગણી પુરવાર કરવામાં ફરિયાદ પક્ષ નિષ્ફળ ગયો છે, સરકારી સાહેદ જેને બનાવવામાં આવ્યા છે તે વ્યક્તિ એસીબી કચેરીના એક કર્મચારીના માસીયાઈ ભાઈ છે ત્યારે આ સાહેદની જુબાની વિશ્વાસપાત્ર ન ગણી શકાય. અદાલતે બંને પક્ષની દલીલો સાંભળ્યા પછી આરોપી સતિષ બાબુલાલ દડવી તથા નારણભાઈ લખમણભાઈ ભેડાનો છૂટકારો ફરમાવ્યો છે. આરોપી તરફથી વકીલ વી.એચ. કનારા, ડી.એચ. કનારા, નિલેશ ગોજીયા, લલીત બગથરીયા રોકાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
