Author: નોબત સમાચાર
ભાષા શિક્ષિકાને કપાત પગારી રજા નહીં ગણીને પગાર ચૂકવાયો
નગર પ્રાથમિક શિક્ષણ સમિતિનો વધુ એક નમૂનોઃ
જામનગર તા. ૧૫: ભાજપ શાસિત જામનગર મહાનગરપાલિકા સંચાલિત નગર પ્રાથમિક શિક્ષણ સમિતિનો વહીવટ છેલ્લા કેટલાક સમયથી ચર્ચાસ્પદ બન્યો છે. શહેરની એક પ્રાથમિક શાળાના શિક્ષિકા અનેક વખત ગેરહાજર રહ્યા છતાં તેને કપાત પગારી રજાના બદલે પગાર ચૂકવાઈ ગયો છે. જો કે આ બાબતે જવાબદાર મુખ્ય શિક્ષિકાએ શિક્ષણ સમિતિને જાણ કરી ન હતી. નગર પ્રાથમિક શિક્ષણ સમિતિના શાસકો છેલ્લા કેટલાક મહિનાઓથી ચર્ચામાં છે.
મળતી માહિતી મુજબ સમિતિ હસ્તકની એક શાળાના ભાષા શિક્ષિકા નિયમિત રીતે શાળામાં મોડા આવે છે. તેઓ રજા પર જવાના હોય તો પણ પદ્ધતિ મુજબ શાળામાં જાણ કરતા નથી.
વર્ષ ૨૦૨૪-૨૫માં અનેક દિવસની આ શિક્ષિકાની શાળાના હાજરી પત્રકમાં ગેરહાજરી પૂરાઈ હતી. પરંતુ તેણીને જે-તે દિવસની કપાત પગારી રજા નહીં કરીને ગેરહાજર રહેલા દિવસોનો પગાર ચૂકવાયો હતો.
તેણીની કપાત પગારી રજાનો રિપોર્ટ શાળાના મુખ્ય શિક્ષિકાએ સમિતિને નહીં મોકલતા મુખ્ય શિક્ષિક અને ભાષા શિક્ષિકાની સાઠગાંઠ ખુલવા પામી છે.
હવે આ પ્રકરણ ચર્ચાના ચાકડે ચઢ્યુ ત્યારે શાસકો કેવા પગલાં ભરે છે તેના ઉપર સૌ કોઈની મીટ મંડાઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
