Author: નોબત સમાચાર
જામનગરના જાંબુડા પાસે ઈકો કારમાંથી દારૂની ૫૪ બોટલનો જથ્થો ઝડપાયો
મધ્યપ્રદેશથી દારૂ છુપાવીને લાવ્યા હતાઃ
જામનગર તા. ૨૨: જામનગર નજીકના જાંબુડા ગામના પાટીયા પાસેથી પસાર થતી ઈકો કારમાંથી એલસીબી પોલીસે પૂર્વ બાતમીના આધારે ૫૪ નંગ દારૂની બોટલનો છૂપાવાયેલો જથ્થો શોધી કાઢીને બે આરોપીને ઝડપી લીધા હતા. જ્યારે આ કેસમાં અન્ય બેની સંડોવણી ખૂલવા પામી હતી.
એલસીબી પોલીસને મળેલી પૂર્વ બાતમીના આધારે ગઈકાલે સાંજે જાંબુડા પાટીયા પાસે વોચ ગોઠવવામાં આવી હતી અને ત્યાંથી પસાર થતી ઈકો કારને પોલીસે આંતરી હતી અને તલાશી લેતા તેના દરવાજામાં અને સ્પેર વ્હીલના ટાયરમાં છૂપાવેલી રૂ.૧૦૮૦૦ની કિંમતની ૫૪ નંગ દારૂનો જથ્થો મળી આવ્યો હતો. આથી પોલીસે દારૂ સાથે રૂ.૩ લાખની કિંમતની કાર પણ કબજે લીધી હતી અને દારૂના જથ્થાની હેરાફેરી કરી રહેલા લક્ષ્મણ કંછીયાભાઈ રાવત (રહે. અલીરાજપુર, મધ્યપ્રદેશ) અને હાલ ખાખરા બેલા તથા રણજીતભાઈ ગીલુભાઈ કલેશ (રહે. અલીરાજપુર, હાલ ખાખરા બેલા)ને ઝડપી લીધા હતા. જ્યારે દારૂના આ કેસમાં દારૂનો જથ્થો મંગાવનાર અલીયાબાડા ગામનો અજાણ્યો માણસ તથા મૂળ મધ્યપ્રદેશના અને હાલ અમરેલીમાં રહેતા બાદલ ભીલના નામ પણ ખૂલવા પામ્યા હતા. આથી પોલીસે બંનેને ફરાર જાહેર કરી શોધખોળ શરૂ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
