Author: નોબત સમાચાર
હરીપર ગામમાં રમતા રમતા પાણી ભરેલી કુંડીમાં પડી ગયેલો ફૂલ જેવો બાળક ડૂબ્યો
પરપ્રાંતીય શ્રમિક પરિવાર હતપ્રભ બન્યોઃ
જામનગર તા. ૩૧ઃ કાલાવડના હરીપરમાં એક ખેતરમાં મજૂરીકામ માટે આવીને રહેતા મૂળ મધ્યપ્રદેશના પરિવારનો એક વર્ષનો પુત્ર ગઈકાલે રમતા રમતા પાણી ભરેલી કુંડીમાં પડી ગયા પછી ડૂબી જઈ મોત ને શરણ થતાં આ પરિવાર હતપ્રભ બની ગયો છે.
કાલાવડ તાલુકાના હરીપર ગામમાં આવેલા ચંદુભાઈ મોહનભાઈ નામના ખેડૂતના ખેતરમાં મજૂરીકામ માટે આવીને રહેતા મૂળ મધ્યપ્રદેશના જાંબુવા જિલ્લાના કમલેશભાઈ દીવાનભાઈ સીંગાર નામના શ્રમિકની સાથે તેમના પત્ની તથા એક વર્ષનો પુત્ર ગણેશ પણ આવ્યા હતા.
આ પરિવાર ચંદુભાઈના ખેતરમાં રહી ખેતમજૂરી કરતો હતો તે દરમિયાન ગઈકાલે બપોરે કમલેશભાઈ ખેતરમાં જ્યારે કામ કરતા હતા ત્યારે નજીકમાં રમતો તેમનો પુત્ર ગણેશ ત્યાં આવેલી પાણી ભરેલી કુંડીમાં પડી ગયો હતો. આ બાળકનું કુંડીમાં ડૂબી જવાથી મૃત્યુ નિપજ્યું છે. કમલેશભાઈએ પોલીસને જાણ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
