Author: નોબત સમાચાર
હેન્ડ બ્રેક વગર સરકતી બોલેરોને રોકવા જતાં તેના ચાલક ટ્રક વચ્ચે ચગદાઈ ગયા
સીમાણી કાલાવડ પાસે બાઈક સ્લીપ થતાં ચાલકનું મૃત્યુઃ
જામનગર તા. ૨૪: કલ્યાણપુરના ભાટવડીયા પાસે ખાનગી કંપનીની પવનચક્કીની સાઈટ નજીક મંગળવારે બપોરે હેન્ડ બ્રેક લગાવ્યા વગરની બોલેરો ચાલતી થઈ જતા તેને રોકવા જવાના પ્રયાસમાં આ બોલેરોના ચાલક ટ્રક સાથે ચગદાઈ જવાથી મોતને શરણ થયા છે. જ્યારે સીમાણી કાલાવડ રોડ પર બાઈક સ્લીપ થતાં એક પ્રૌઢનું મૃત્યુ નિપજ્યું છે.
દેવભૂમિ દ્વારકા જિલ્લાના કલ્યાણપુર તાલુકાના ભાટવડીયા ગામના પાટીયા પાસે સુઝલોન કંપનીના ગેઈટ નજીક મંગળવારે બપોરે મૂળ મહિસાગર જિલ્લાના લુણાવાડા તાલુકાના વતની અને હાલમાં હાલોલમાં રહેતા હરીચંદ્રસિંહ મહેન્દ્રસિંહ સીસોદીયા (ઉ.વ.૩૯) નામના યુવાન જીજે-૧૨-બીવાય ૩૫૮૦ નંબરની બોલેરો કેમ્પર લઈને આવ્યા હતા.
તેઓ ગેઈટની બહાર પોતાનું વાહન રાખીને ઉતર્યા પછી હેન્ડ બ્રેક મારેલી ન હોવાના કારણે બોલેરો આગળ ચાલવા માંડી હતી. તેને રોકવાનો પ્રયાસ કરતા હરીચંદ્રસિંહ હાથેથી બોલેરો ઉભી રાખવા ગયા ત્યારે બોલેરો અને એક ટ્રકની વચ્ચે ચગદાઈ ગયા હતા. પેટમાં ગંભીર ઈજા પામેલા આ યુવાનનું મૃત્યુ નિપજ્યું છે. દિલીપસિંહ ગજેન્દ્રસિંહ સીસોદીયાએ પોલીસને જાણ કરી છે.
ખંભાળિયા તાલુકાના સીમાણી કાલાવડ ગામના વાડી વિસ્તારમાં રહેતા દેવીસંગ ખીમાજી ચુડાસમા (ઉ.વ.૪૯) નામના પ્રૌઢ મંગળવારે રાત્રે દસેક વાગ્યે પોતાના ખેતરેથી ઘરે જવા માટે મોટરસાયકલ પર નીકળ્યા હતા. તેઓ ગઈકાલે સવાર સુધી ઘરે નહીં પહોંચતા પરિવારજનોએ શરૂ કરેલી તપાસમાં ફોરેસ્ટ એરીયા પાસે બાઈક સ્લીપ થયેલુ જોવા મળ્યું હતું અને ત્યાંથી માથામાં ગંભીર ઈજા પામ્યા પછી મૃત્યુ પામેલી હાલતમાં દેવીસંગ મળી આવ્યા હતા.
આ બનાવની તેમના પુત્ર રવિરાજસિંહે પોલીસને જાણ કરી છે. આ પ્રૌઢનું મોટરસાયકલ સ્લીપ થવાથી પડી ગયા પછી ઈજા થવાથી મૃત્યુ થયાનું તારણ કાઢવામાં આવ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
