Author: નોબત સમાચાર
ખંભાળિયાના બેરાજાની સીમમાં ખેતર સ્થિત મકાનમાંથી મળ્યા દારૂના પંચાવન ચપલા
આરોપીએ પોતાના સાગરિતનું નામ આપ્યું:
ખંભાળિયા તા. ૧૬: ખંભાળિયા તાલુકાના બેરાજા ગામની સીમથી દાત્રાણા તરફ જવાના રસ્તા પર ખેતર સ્થિત મકાનમાં પોલીસે ગઈકાલે પૂર્વ બાતમીના આધારે દરોડો પાડી ઈંગ્લીશ દારૂના પપ ચપલા સાથે એક શખ્સની ધરપકડ કરી છે. આ શખ્સે સાગરિતનું નામ આપ્યું છે.
ખંભાળિયા તાલુકાના બેરાજા ગામની સીમમાં એક શખ્સના ખેતર સ્થિત મકાનમાં ઈંગ્લીશ દારૂનો જથ્થો પડ્યો હોવાની બાતમી ખંભાળિયા પોલીસ મથકના સ્ટાફને મળતા ગઈકાલે સાંજે ઈન્ચાર્જ પીઆઈ એન.એચ. જોષીના વડપણ હેઠળ પોલીસ ટીમે બેરાજાની પટ્ટુ વાડી સીમમાંથી દાત્રાણા તરફ જતા રસ્તા પર આવેલા રામશીભાઈ વજશીભાઈ માડમ નામના શખ્સના ખેતરમાં દરોડો પાડ્યો હતો.
આ ખેતરમાં આવેલા મકાનની પોલીસે તલાશી લેતા ત્યાંથી ભારતીય બનાવટના ઈંગ્લીશ દારૂના જુદી જુદી બે બ્રાંડના પપ ચપલા મળી આવ્યા હતા. પોલીસે સ્થળ પરથી ચપલા, એક મોબાઈલ સાથે રામશીભાઈ માડમની ધરપકડ કરી છે. આ શખ્સે પોતાના સાગરિત જામનગરના દિનેશભાઈ મેરામણભાઈ માડમનું નામ આપ્યું છે. બંને સામે પોલીસે ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
