Author: નોબત સમાચાર
વરવાળાના સરપંચ પર હુમલો કરી રિવોલ્વર ઝૂંટવવાના બનાવમાં એક ઝબ્બે
સતાપરની સીમમાં સંતાયો હતોઃ પોલીસ ત્રાટકીઃ
જામનગર તા. ૧૫: જામજોધપુરના વરવાળા ગામના સરપંચ પર રવિવારે ત્રણ શખ્સે ચૂંટણીના વેરઝેરના કારણે લાકડીથી હુમલો કરી રિવોલ્વર ઝૂંટવી લીધી હતી. એક આરોપીને જામજોધપુર પોલીસે સતાપરની સીમમાંથી રિવોલ્વર સાથે પકડી પાડ્યો છે.
જામજોધપુર તાલુકાના વરવાળા ગામના સરપંચપદે ચૂંટાઈ આવેલા રામશીભાઈ મેપાભાઈ બેરા અને તેમના મિત્ર સરમણભાઈ હુણ રવિવારે સવારે ભડાનેસ પાસેથી બાઈકમાં જતા હતા ત્યારે સરપંચપદની ચૂંટણીમાં ઉમેદવારી કરનાર મહિલાના પુત્ર બાલુભાઈ મોરી, પ્રફુલ દેવાભાઈ, દુદા દેવાભાઈ મોરીએ લાકડીઓથી હુમલો કર્યાે હતો.
આ વેળાએ રામશીભાઈએ પોતાના સ્વબચાવમાં રિવોલ્વરમાંથી હવામાં ફાયરીંગ કર્યું હતું. રિવોલ્વરવાળા હાથ પર લાકડી ફટકારી આ શખ્સો રિવોલ્વર ઝૂંટવી ગયા હતા. જામજોધપુર પોલીસ સ્ટેશનમાં તેની ફરિયાદ કરાઈ હતી.
પોલીસે શરૂ કરેલી તપાસ દરમિયાન લાલવાડા નેસમાં રહેતા પ્રફુલ દેવાભાઈ મોરી નામના શખ્સની ધરપકડ કરવામાં આવી છે. આ શખ્સ રિવોલ્વર સાથે પોરબંદર નાસી છૂટવાની પેરવીમાં હતો તેને સતાપરની સીમમાંથી દબોચી લેવાયો છે અને રિવોલ્વર કબજે કરવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
