Author: નોબત સમાચાર
દરેડ ઉદ્યોગનગરમાંથી શ્રમિકના હાથમાં રહેલા ફોનની ઉઠાંતરી કરનાર બેલડી ઝબ્બે
શેઠવડાળા પોલીસે ચોરાઉ મોબાઈલ સાથે એકને પકડ્યોઃ
જામનગર તા. ૧૬: જામનગરના દરેડ જીઆઈડીસીમાંથી બે સપ્તાહ પૂર્વે એક શ્રમિકનો મોબાઈલ બાઈક પર આવેલી બેલડી ઝૂંટવી ગઈ હતી. તેની તપાસમાં પોલીસે એક શખ્સ તથા કાયદાથી સંઘર્ષિત કિશોરને દબોચી લીધો છે. જ્યારે શેઠવડાળા પોલીસે પણ ચોરાઉ મોબાઈલ સાથે એક પરપ્રાંતીયને પકડ્યો છે. બંને કેસમાં મોબાઈલ કબજે કરવામાં આવ્યા છે.
જામનગરના દરેડ જીઆઈડીસી ફેસ-૩માં શિવ મેટલ નામના કારખાનામાં મજૂરીકામ માટે આવીને રહેતા મૂળ મધ્યપ્રદેશના કોમલભાઈ જાટવ નામના શ્રમિક ગઈ તા.૧ની રાત્રે કારખાનાની બહાર ઉભા હતા અને મોબાઈલમાં મશગૂલ હતા ત્યારે મોટરસાયકલ પર આવેલા બે શખ્સ તેઓના હાથમાંથી મોબાઈલ ઝૂંટવીને નાસી ગયા હતા.
આ બાબતની પોલીસમાં ફરિયાદ થયા પછી પંચકોશી બી ડિવિઝન પોલીસે પીઆઈ વી.જે. રાઠોડના માર્ગદર્શન હેઠળ શરૂ કરેલી તપાસમાં સ્ટાફના જયપાલસિંહ, એસ.એસ. જાડેજા, જયદીપસિંહને મળેલી બાતમીના આધારે દરેડ નજીક પ્રણામી સોસાયટી પાસેથી બે વ્યક્તિ બાઈક સાથે ઝડપાઈ ગયા હતા.
આ શખ્સોની પૂછપરછ કરાતા મૂળ ધ્રોલના મોટા ઈટાળા ગામનો વતની અને હાલમાં મયુર ટાઉનશીપમાં રહેતો અતુલગીરી ખુશાલગીરી ગોસ્વામી તથા તેની સાથે રહેલા કાયદાથી સંઘર્ષિત કિશોરે ઉપરોક્ત ગુન્હાની કબૂલાત કરી છે. પોલીસે રૂ.ર૪ હજારનો મોબાઈલ તથા જીજે-૩-સીકે ૮૪૦૨ નંબરનંુ મોટરસાયકલ કબજે કર્યું છે. આ વ્યક્તિઓ સામે અગાઉ પણ પંચકોશી બી ડિવિઝન પોલીસ સ્ટેશનમાં ચોરીનો ગુન્હો નોંધાયેલો હતો.
જામજોધપુર તાલુકાના શેઠવડાળાના પોલીસ સ્ટેશન દ્વારા ગઈકાલે પેટ્રોલિંગ દરમિયાન જસાપર ગામ પાસેથી મૂળ મધ્યપ્રદેશના જાંબુવા જિલ્લાના વતની અને હાલમાં રાજકોટના કુવાડવા નજીક રાણા ગામમાં રહેતા શૈતાન બાબુભાઈ વસુનીયા નામના શખ્સને રૂ.૧૩ હજારના ચોરાઉ મોબાઈલ સાથે પકડી પાડવામાં આવ્યો છે. આ મોબાઈલ તેણે ગયા વર્ષે ઝૂંટવી લીધાની શેઠવડાળા પોલીસ સ્ટેશનમાં ફરિયાદ નોંધાયેલી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
