Author: નોબત સમાચાર
ખંભાળિયામાં ચોમાસાની સ્થિતિ અંગે સમીક્ષા બેઠક
જિલ્લા પ્રભારીમંત્રી કુંવરજી બાવળિયાના અધ્યક્ષસ્થાને
જામનગર તા. ૧૨ઃ દેવભૂમિ દ્વારકા જિલ્લા પ્રભારી મંત્રી કુંવરજીભાઈ બાવળિયાના અધ્યક્ષસ્થાને મોન્સુન, આયોજન સહિતના પ્રશ્નો અંગેની સમીક્ષા બેઠક યોજાઈ હતી, જેમાં તેમણે જિલ્લામાં અત્યાર સુધીમાં પડેલા વરસાદ, ડેમની સ્થિતિ સહિતના મુદ્દાઓ ઉપર ચર્ચા કરી જરૃરી સૂચનો કર્યા હતાં.
દેવભૂમિ દ્વારકા જિલ્લા પ્રભારી મંત્રી કુંવરજીભાઇ બાવળિયાના અધ્યક્ષ સ્થાને મોન્સુન, આયોજન સહિતના પ્રશ્નો અંગેની સમીક્ષા બેઠક યોજાઈ હતી. જેમાં તેમણે જિલ્લામાં અત્યાર સુધીમાં પડેલા વરસાદ, ડેમની સ્થિતિ સહિતના મુદ્દાઓ ઉપર ચર્ચા કરી જરૃરી સૂચનો કર્યા હતાં.
દેવભૂમિ દ્વારકા જિલ્લા કલેક્ટર કચેરી જિલ્લાના પ્રભારી મંત્રી તથા જળસંપત્તિ અને પાણી પુરવઠા, અન્ન, નાગરિક પુરવઠા અને ગ્રાહક સુરક્ષાને લગતી બાબતોના કેબિનેટ મંત્રી કુંવરજીભાઇ બાવળિયાના અધ્યક્ષ સ્થાને મોન્સુન, આયોજન સહિતના પ્રશ્નો અંગેની સમીક્ષા બેઠક યોજાઈ હતી. જેમાં તેમણે મંત્રી કુંવરજીભાઇ બાવળિયાએ ચોમાસાની સિઝન હોય જિલ્લામાં શરૃ કરાયેલા કંટ્રોલ રૃમ, સુરક્ષા, ડેમની પરિસ્થિતિ જેવા મુદ્દાઓ ઉપર માહિતી મેળવી હતી.
મંત્રી બાવળિયાએ સંલગ્ન વિભાગોને માર્ગદર્શન આપતા ચોમાસા દરમિયાન તાલુકા કક્ષાએ તેમજ જિલ્લા કક્ષાએ કંટ્રોલ રૃમ સતત કાર્યરત રહે, ડેમની લાઇવ પરિસ્થિતિનું અપડેટ સતત મેળવવા, આશ્રય સ્થાનો પર સ્થળાંતર કરવામાં આવે તો તેવા સંજોગોના સ્થળાંતરિત લોકોને પ્રાથમિક સુવિધા મળી રહે તેની તકેદારી રાખવા જણાવ્યું હતું. અને પાણી વિતરણ કરતા પહેલા ક્લોરીનેશન કરવા, પાણી ભરાય તેવા વિસ્તારમાંથી પાણીનો યોગ્ય નિકાલ કરવાની વ્યવસ્થા અને દવા છંટકાવ કરવાની કામગીરી કરવા સૂચના આપી હતી. ચોમાસા દરમિયાન તમામ સંલગ્ન વિભાગના અધિકારીઓને એલર્ટ મોડમાં રહેવા નિર્દેશ આપ્યા હતા. તેમણે જિલ્લામાં અત્યાર સુધીમાં પડેલા વરસાદ, ડેમની સ્થિતિ અંગે પણ સમીક્ષા કરી હતી.
આ ઉપરાંત મંત્રી દ્વારા આયોજનના બાકી રહેલા કામો તાકીદે પૂર્ણ કરવા અને અન્ય નવા કામોનું આયોજન કરવા અંગે સૂચના આપવામા આવી હતી. તેમજ પ્રગતિ હેઠળ રહેલા કામો અંગે પણ માહિતી મેળવી હતી.
આ બેઠકમાં જિલ્લા કલેકટર રાજેશ તન્ના, જિલ્લા વિકાસ અધિકારી એ.બી.પાંડોર, નિવાસી અધિક કલેકટર ભૂપેશ જોટાણીયા, જિલ્લા ગ્રામ વિકાસ એજન્સીના નિયામક હેતલ જોશી, દ્વારકા પ્રાંત અધિકારી અમોલ આવતે, ખંભાળિયા પ્રાંત અધિકારી કે.કે.કરમટા સહિતના અધિકારીઓ ઉપસ્થિત રહૃાા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
