Advertisement
Author: નોબત સમાચાર

મહાકાળી સર્કલ પાસે સ્કૂટરને બોલેરોની ટક્કરઃ બે બાળક અને મહિલાને થઈ ઈજા

એક બાળકને ગંભીર ઈજાઃ બોલેરોચાલક સામે ગુન્હોઃ

                                                                                                                                                                                                      

જામનગર તા. ૨૨: જામનગરના દિગ્જામ સર્કલથી આગળ મહાકાળી સર્કલ પાસે રવિવારે સાંજે એક સ્કૂટરને પાછળથી બોલેરોએ ઠોકર મારતા સ્કૂટર પર જઈ રહેલા એક મહિલા તથા તેમના બે પુત્ર ફંગોળાયા હતા. ત્રણેય ઈજાગ્રસ્તને સારવારમાં ખસેડાયા છે. એક બાળકને વધુ ઈજા થઈ છે. નાસી છૂટેલા બોલેરો ચાલક સામે પોલીસમાં ફરિયાદ કરાઈ છે.

જામનગરના હવાઈચોક વિસ્તારમાં આવેલા રિદ્ધિ એપાર્ટમેન્ટમાં રહેતા ડિમ્પલબેન પારસભાઈ નાકર નામના વિપ્ર મહિલા જીજે-૧૦-સીએચ ૮૧૮૭ નંબરના એક્સેસ સ્કૂટરમાં પોતાના પુત્ર ધૈર્ય અને ભવ્ય સાથે પિતાના ઘેર મહાદેવનગરમાં ગયા હતા.

ત્યાંથી આઠેક વાગ્યે પરત હવાઈચોક આવવા માટે આ મહિલા નીકળ્યા ત્યારે મહાકાળી સર્કલ પાસે એંસી ફૂટ રીંગરોડ પર એક સ્પીડબ્રેકરમાં તેઓએ પોતાનું સ્કૂટર ધીમુ પાડ્યું હતું. આ વેળાએ જીજે-૩૯-ટી ૯૧૩૯ નંબરની બોલેરો પુરપાટ ઝડપે પાછળથી ધસી આવી હતી અને તેણે સ્કૂટરને ટક્કર મારી દીધી હતી. તેના પરથી ડિમ્પલબેન તથા ભવ્ય અને ધૈર્ય ફંગોળાઈ ગયા હતા. આ અકસ્માતમાં ભવ્યને ગંભીર ઈજા થઈ છે. અકસ્માત સર્જી નાસી છૂટેલા બોલેરો ચાલક સામે સિટી સી ડિવિઝનમાં ફરિયાદ કરવામાં આવી છે.

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh