ચલણી નોટના નંબર પર જુગાર રમતા બાર પકડાયાઃ આઠ વર્લીબાજની ધરપકડ

Author: નોબત સમાચાર

ચલણી નોટના નંબર પર જુગાર રમતા બાર પકડાયાઃ આઠ વર્લીબાજની ધરપકડ

જામનગર શહેર-જિલ્લામાં જુગારના દરોડાઃ

જામનગર તા. ૧: જામનગરના દરેડ ગામ પાસેથી બે શખ્સ ગંજીપાના વડે જુગાર રમતા ઝડપાયા છે. ચલણી નોટના નંબર પર એકીબેકી બોલતા ૧૨ શખ્સ મળી આવ્યા છે. જામનગર ઉપરાંત કાલાવડ, સિક્કા, હાપા, ધુંવાવ, લાલપુરના ખટીયામાંથી પોલીસે વર્લીના આંકડા લખતા ૮ શખ્સને દબોચી લીધા છે. સિક્કો ઉછાળી જુગાર રમતા ચાર પકડાયા છે.

જામનગર નજીકના દરેડ ગામના પેટ્રોલ પંપ સામે ગઈરાત્રે જાહેરમાં ગંજીપાનાથી જુગાર રમતા જગાભાઈ નાથાભાઈ હાજાણી, દેવગણ અણદાભાઈ ગુજરીયા નામના બે શખ્સ પોલીસના દરોડામાં ઝડપાયા છે. પોલીસે પટમાંથી રૂ.૯૫૦ કબજે કર્યા છે.

જામનગર-ખંભાળિયા રોડ પર નાઘેડી ગામ પાસે ગઈરાત્રે ચલણી નોટના નંબર પર એકીબેકી બોલી જુગાર રમતા વિરેન્દ્રસિંહ હરીસિંહ રાઠોડ, વિશાલ જયંતિભાઈ દેસાણી નામના બે શખ્સને પોલીસે પકડી લીધા હતા. દરેડમાંથી અસરફ અનવર ખફી તથા હસન ઈકબાલ ખફી નામના બે શખ્સ નોટના નંબર પર જુગાર રમતા ઝડપાયા છે. અરજણ પાલાભાઈ હાજાણી, માલજી ભીખાભાઈ હાજાણી નામના બે શખ્સ પણ એકીબેકી બોલી જુગાર રમતા મળી આવ્યા છે.

એમ.પી. શાહ ઉદ્યોગનગરમાંથી સુનિલ શાંતારામ મરાઠા, કિશન કિશોરભાઈ ચૌધરી, દરેડમાંથી પરેશ સાજણભાઈ ચાવડા, મનજી કરશનભાઈ પરમાર નામના બે શખ્સ અને ભીમવાસની શેરી નં.૬ના છેડેથી અનિલ ભીખાભાઈ લહેર, સન્ની દિનેશભાઈ સોલંકી નામના શખ્સો ચલણી નોટ પર જુગાર રમતા મળી આવ્યા હતા. ચલણી સિક્કો ઉછાળી ભીમવાસના ઢાળીયા પાસે જુગાર રમતા પુંજા નારાયણભાઈ સાગઠીયા, હમીર દેવાભાઈ ગોગીયા, અંબર ચોકડી પાસેથી મુકેશ સોમાભાઈ સાગઠીયા, નરેશ હીરાભાઈ પરમારને પકડી લેવામાં આવ્યા છે.

કિસાનચોક નજીક મકરાણીના કબ્રસ્તાન પાસેથી હુસેન જમાલ શેખ, દરબારગઢ સર્કલમાંથી મેહુલ રમેશભાઈ પાટડીયા, સિક્કામાંથી ગફાર આમદ બોલીમ, હાપા પાસેથી યુવરાજસિંહ દિલીપસિંહ ઝાલા, જયદીપ રાજેન્દ્ર મકવાણા, લાલપુરના ખટીયા પાટીયા પાસેથી સંજય મોહનભાઈ લાલવાણી, કાલાવડ શહેરમાંથી ઈબ્રાહીમ ઈસ્માઈલ કુરેશી, મહંમદ ગફાભાઈ સાંજી નામના શખ્સો વર્લી મટકાના આંકડા લખતા પોલીસના દરોડામાં પકડાયા છે.

જો આપને આ પોસ્ટ ગમી હોય તો શેર કરો...