Author: નોબત સમાચાર
ખાનગી કંપનીના સોલાર પ્લાન્ટમાં રાત્રે ચોરીછૂપીથી પ્રવેશેલા શખ્સ સામે ફોજદારી
સિક્યુરિટી ઓફિસરે પોલીસને જાણ કરીઃ
જામનગર તા. ૧૨ઃ લાલપુરના કાના છીકારી ગામમાં ખાનગી કંપનીના સોલાર પ્લાન્ટના ચાલી રહેલા કામમાં બુધવારની રાત્રે એકાદ વાગ્યે ડેરા છીકારી ગામનો એક શખ્સ ચોરીછૂપીથી પ્રવેશ્યો હતો. ખાનગી કંપનીના સિક્યુરિટી ઓફિસરે આ શખ્સ સામે મેઘપર પોલીસ સ્ટેશનમાં ગુન્હો નોંધાવ્યો છે.
લાલપુર તાલુકાના કાના છીકારી ગામ પાસે ખાનગી કંપનીના પીવી સોલાર પ્લાન્ટના સ્થળ પર બુધવારની રાત્રે રાયધન રાઠોડ નામનો શખ્સ ઘૂસી ગયો હતો.
આ શખ્સને ખાનગી કંપનીમાં આસી. સિક્યુરિટી ઓફિસર તરીકે ફરજ બજાવતા પ્રદીપ હરીચંદ્ર શર્મા અને અન્ય સ્ટાફે પકડી પાડ્યો હતો. ડેરા છીકારી ગામના રાયધન રાઠોડ નામના આ શખ્સે આ પ્લાન્ટમાં પતરાની કરવામાં આવેલી આડશમાંથી અંદર પ્રવેશી જઈ ચોરી અથવા અન્ય કોઈ ઈરાદો સેવ્યો હોવાની આશંકાથી પ્રદીપ શર્માએ ખુદ ફરિયાદી બની મેઘપર પોલીસ સ્ટેશનમાં તેની સામે ગુન્હો રજીસ્ટર કરાવ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
