Author: નોબત સમાચાર
ખીલોસ પાસેથી ટ્રકમાં કતલખાને લઈ જવાતા ૧૨ ખુંટીયાઓને મુક્ત કરાવાયા
પોલીસે એક શખ્સની ધરપકડ કરીઃ બેની શોધખોળઃ
જામનગર તા. ૨૬: જામનગરના ખીલોસ ગામની ચોકડી પાસે ગઈકાલે સાંજે પૂર્વ બાતમીના આધારે વોચમાં ગોઠવાયેલા પોલીસ કાફલાએ એક ટ્રકમાં કતલખાને લઈ જવાતા ૧૨ ખુંટીયાઓને મુક્ત કરાવ્યા છે. આ મુંગા જીવને ટ્રકમાં ઠસોઠસ ભરી લઈ જતા કાલાવડના શખ્સને પકડી લેવામાં આવ્યો છે. તેના બે સાગરિત નાસી ગયા છે. પોલીસે ટ્રક ડીટેઈન કર્યાે છે.
જામનગર-રાજકોટ ધોરીમાર્ગ પર આવેલા ફલ્લા ગામ પાસે કેટલાક જીવંત પશુઓને કતલખાને લઈ જતી ટ્રક પસાર થઈ રહી હોવાની બાતમી મળતા ગઈકાલે સાંજે પંચકોશી એ ડિવિઝન પોલીસ સ્ટેશનનો સ્ટાફ પીઆઈ એમ.એન. શેખના વડપણ હેઠળ ફલ્લા નજીકની ખીલોસ ગામની ચોકડી પાસે વોચમાં ગોઠવાયો હતો.
તે દરમિયાન જીજે-પ-એટી ૧૩૭૦ નંબરનો ટ્રક પસાર થતાં તેને રોકાવી પોલીસે ચેક કરતા તેમાંથી ખીચોખીચ ભરવામાં આવેલા ૧૨ ખુંટીયા મળી આવ્યા હતા. આ ગૌવંશને પાણી કે ઘાસચારો ન મળે અને હલનચલન પણ ન કરી શકે તે રીતે બાંધવામાં આવ્યા હતા. પોલીસે તે તમામ ખુંટીયાઓને મુક્ત કરાવી ટ્રકમાં રહેલા કાલાવડના કુંભનાથપરામાં રહેતા હનીફ ગફાર મુલતાની નામના શખ્સની અટકાયત કરી છે. તેની સાથે રહેલા બે શખ્સ નાસી ગયા છે. ત્રણેય સામે એએસઆઈ ડી.એ. રાઠોડે ખુદ ફરિયાદી બની પશુ પ્રત્યે ક્રુરતાના અધિનિયમની કલમો હેઠળ ગુન્હો રજીસ્ટર કરાવ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
