Author: નોબત સમાચાર
એક મહિલા સહિત બેને ચેક પરત કેસમાં એક-એક વર્ષની કેદની ફટકારાઈ સજા
જામનગરની બે સોસાયટીએ કરી હતી ફરિયાદઃ
જામનગર તા. ૨૬: જામનગરની બે સોસાયટી પાસેથી લોન મેળવી ચેક આપનાર એક મહિલા તથા એક શખ્સ સામે ચેક પરતની ફરિયાદ કરાઈ હતી. અદાલતે બંનેને એક-એક વર્ષની કેદની સજા ફટકારી છે.
જામનગરની શારદાદેવી મહિલા ક્રેડીટ કો. ઓપરેટીવ સોસાયટીના મહિલા સભાસદ જયોતિબેન નરેન્દ્રભાઈ પરમારે સોસાયટીમાંથી લોન લીધી હતી. આ લોનની ભરપાઈ કરવા ચેક આપ્યો હતો. તે ચેક પરત ફર્યાે હતો.
ત્યારપછી સોસાયટી દ્વારા નોટીસ મોકલાઈ હતી તેમ છતાં લેણું ભરપાઈ ન કરાતા નેગો. ઈન્સ્ટ્રુ. એક્ટ ૧૩૮ હેઠળ ફરિયાદ દાખલ કરાઈ હતી. તે કેસ ચાલવા પર આવતા આરોપીને તક્સીરવાન ઠરાવી એક વર્ષની જેલ અને ચેકની રકમ-રૂ. ૧,૫૨,૮૪૧નો દંડ કરવામાં આવ્યો છે. સજાના હુકમ સમયે આરોપી ગેરહાજર હોવાથી વોરંટ ઈસ્યુ કરવા હુકમ કરાયો છે.
જામનગરની સ્વામી વિવેકાનંદ ક્રેડીટ કો. ઓપરેટીવ સોસાયટીના સભાસદ રાજેશ રણમલ કારાવદરાએ સોસાયટીમાંથી લોન મેળવી હતી. તે ચેક પણ પરત ફરતા અદાલતમાં ફરિયાદ કરાઈ હતી. આ આરોપીને એક વર્ષ ત્રણ મહિનાની જેલ તથા રૂ. ૭૪,૨૧૪નો દંડ ફટકારાયો છે. બંને કેસમાં ફરિયાદી સોસાયટી તરફથી વકીલ મિતેશ પટેલ, મણીલાલ કાલસરીયા, ગૌરાંગ મુંજપરા, એચ.એમ. ધામેલીયા, જયદીપસિંહ જાડેજા રોકાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
