Author: નોબત સમાચાર
ઉંડ નદીના પટમાંથી પાણીની આઠ મોટર ચોરી જનાર ચાર શખ્સ ઝડપાયા
ટ્રોલી સાથેનું ટ્રેક્ટર પણ કબજે કરાયું:
જામનગર તા. ૧: ધ્રોલના વાંકીયા પાસે આવેલા ઉંડ નદીના પટમાંથી પાણીની આઠ ઈલેકટ્રીક મોટરની ચોરી કરનાર ચાર શખ્સને પોલીસે પકડી પાડ્યા છે. ચોરાઉ મોટર તથા ટ્રોલી સાથેનું ટ્રેક્ટર કબજે કરાયું છે.
ધ્રોલ નજીકના વાંકીયા ગામના સીમ વિસ્તારમાં આવેલા ઉંડ નદીના પટમાં કેટલાક ખેડૂતોએ પોતાની મોટરો મૂકી હતી તેમાંથી પાણીની આઠ ઈલેકટ્રીક મોટરની ચોરી થઈ ગયાની પોલીસમાં ફરિયાદ કરાઈહતી.
આ ફરિયાદની ધ્રોલ પોલીસ દ્વારા પીઆઈ વી.જે. રાઠોડના વડપણ હેઠળ શરૂ કરાયેલી તપાસમાં એક ટ્રોલીવાળા ટ્રેક્ટરમાં ઉપરોક્ત મોટરો રાખવામાં આવી છે અને ત્યાં કેટલાક શખ્સો હાજર છે તેવી વિગતો મળતા ધસી ગયેલી ધ્રોલ પોલીસે ટ્રોલી સાથેનું ટ્રેક્ટર તેમજ ચોરાઉ આઠ ઈલેકટ્રીક મોટર સાથે ચાર શખ્સને પકડી પાડ્યા છે.
ધ્રોલના ખારવા રોડ પર રહેતા વિશાલ કેશુ રાઠોડ, કમલેશ મગન રાઠોડ, પ્રભુદાસ નટુ રાઠોડ અને અનિલ કેશુભાઈ રાઠોડ નામના ચાર શખ્સની પોલીસે ધરપકડ કરી પૂછપરછ હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
