Author: નોબત સમાચાર
ભાણવડના બનાવટી ખાતેદારને રૃા.૧ કરોડ ૪ર લાખનો દંડઃ જમીન થશે ખાલસા
કલેક્ટરના આકરા પગલાંથી બનાવટીઓમાં ફફડાટઃ
ખંભાળિયા તા. ૧૪ઃ ભાણવડ તાલુકાના એક આસામીએ બનાવટી ખેડૂત પ્રમાણપત્ર મેળવી કેટલાક સ્થળે જમીન ખરીદી લીધી હોવાની વિગત મળતા કલેક્ટર દ્વારા કરાવાયેલી તપાસ પછી આસામીને રૃા.૧ કરોડ ૪ર લાખનો દંડ ફટકારવામાં આવ્યો છે અને તેણે ખરીદેલી જમીન સરકાર હસ્તગત કરવાનો હુકમ કરાયો છે. જેના પગલે બનાવટી ખેડૂતોમાં ફફડાટ વ્યાપી ગયો છે.
દેવભૂમિ દ્વારકા જિલ્લામાં બનાવટી ખેડૂત ખાતેદારો મોટા પ્રમાણમાં હોય અગાઉ ખંભાળિયામાં પણ એક અધિકારી દ્વારા મોટી ઝુંબેશ કરવામાં હતી. તે પછી આ ઝુંબેશ બંધ થઈ ગઈ હતી. ત્યારપછી દ્વારકા જિલ્લા કલેક્ટર રાજેશ તન્નાએ ભાણવડ તાલુકામાં આવા એક બનાવટી ખાતેદારને પકડી આકરા દંડ સાથે પોલીસ કાર્યવાહીના આદેશ કરતા સમગ્ર જિલ્લામાં ભારે ચર્ચા જાગી છે.
દ્વારકા જિલ્લાના ભાણવડના જયંતીલાલ ધનજીભાઈ જેઠવા નામના એક આસામીએ ખોટી રીતે ખેડૂત પ્રમાણપત્ર મેળવી અનેક સ્થળ પર જમીન લેવી ભારે પડી ગઈ છે. જિલ્લા કલેક્ટર રાજેશ તન્નાએ આ આસામીને રૃા.૧.૪૨ કરોડનો આકરો દંડ કરી તમામ જમીન સરકારની કરવા તથા ફોજદારી ફરિયાદ કરવા આદેશ કરતા દ્વારકા જિલ્લામાં પ્રથમ વખત આવી રીતે બનાવટી ખેડૂત ખાતેદાર સામે ફરિયાદ થઈ હોય, બનાવટી ખાતેદારો બનનારામાં ભારે ફફડાટ ફેલાયો છે.
ખંભાળિયામાં પણ કેટલાક બનાવટી ખેડૂત ખાતેદારો હોવાનું ચર્ચાઈ રહ્યું છે. ધરમપુર, હર્ષદપુર, રામનગર, શક્તિનગરમાં માટે તપાસ કાર્યવાહી હાથ ધરવી જોઈએ.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
