Author: નોબત સમાચાર
નંદાણામાં વાડી વિસ્તારમાં કાદવ કિચડથી ટ્રેક્ટર સ્લીપ થતાં પ્રૌઢ તલાવડીમાં ખાબક્યા
ડૂબી જવાથી મૃત્યુ નિપજ્યું: અરેરાટી પ્રસરીઃ
જામનગર તા. ૬: કલ્યાણપુર તાલુકાના નંદાણા ગામમાં એક વૃદ્ધ સોમવારે સવારે પોતાના ટ્રેક્ટરમાં વાડી વિસ્તારમાંથી જતા હતા ત્યારે કાદવ કીચડના કારણે ટ્રેક્ટર સ્લીપ થતા આ વૃદ્ધ નજીકમાં આવેલી તલાવડીમાં પડી ગયા હતા. તેઓનું ડૂબી જવાથી મૃત્યુ થયું છે.
દેવભૂમિ દ્વારકા જિલ્લાના કલ્યાણપુર તાલુકાના નંદાણા ગામના શામજીભાઈ નાથાભાઈ નકુમ (ઉ.વ.પપ) નામના પ્રૌઢ ગઈકાલે સવારે પોતાના ઘરેથી ટ્રેક્ટર લઈને વાડીએ જવા માટે નીકળ્યા હતા.
તેઓ જ્યારે નંદાણા ગામની ઝીલારી સીમમાં પહોંચ્યા ત્યારે રસ્તામાં રહેલા કાદવ કીચડમાં તેઓનું ટ્રેક્ટર સ્લીપ થયું હતું. જેના કારણે શામજીભાઈ ટ્રેક્ટર પરથી નજીકમાં આવેલી તલાવડીમાં ખાબકી ગયા હતા. આ પ્રૌઢનું તેમાં ડૂબી જવાથી મૃત્યુ નિપજ્યું છે. પુત્ર વિજયભાઈ નકુમે પોલીસને જાણ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
