Author: નોબત સમાચાર
ભારતીય શેરબજારમાં ખરીદીનું મજબૂત વલણ, રોકાણકારોમાં ઉત્સાહ !!!
તા. ૦૫-૦૩-૨૦૨૬ ના રોજ સવારે ૧૦ કલાકે...
આજના ટ્રેડિંગ સેશનમાં ભારતીય શેરબજારમાં જોરદાર બુલિશ માહોલ જોવા મળ્યો અને મુખ્ય સૂચકાંકોમાં અંદાજે સેન્સેક્ષમાં ૪૦૦ પોઇન્ટનો અને નિફ્ટીમાં ૧૫૦ પોઈન્ટ્સનો ઉછાળો નોંધાયો.બજાર ગેપ-અપ ખુલ્યું અને દિવસભર ખરીદીનું પ્રબળ વલણ યથાવત રહ્યું. મોટા કેપ, મિડકેપ અને સ્મોલકેપ ત્રણેય સેગમેન્ટમાં વ્યાપક તેજી જોવા મળી, જેનાથી રોકાણકારોમાં વિશ્વાસ અને ઉત્સાહ સ્પષ્ટ જોવા મળ્યો.
બજારમાં તેજી માટે વૈશ્વિક અને સ્થાનિક બંને પરિબળો જવાબદાર રહ્યા. તાજેતરમાં યુનાઇટેડ સ્ટેટ્સ અને ઈરાન વચ્ચેના તણાવમાં થોડો નરમાવો આવતા જીઓ-પોલિટિકલ ચિંતાઓ ઘટી. ક્રૂડ ઓઇલના ભાવમાં સ્થિરતા આવતાં એનર્જી આયાત કરનારા દેશો માટે રાહત મળી.વૈશ્વિક સ્તરે મોંઘવારીના આંકડાઓ અપેક્ષા કરતા અનુકૂળ રહેતાં અમેરિકન બજારોમાં સકારાત્મક વલણ જોવા મળ્યું, જેનો સીધો પ્રભાવ ભારતીય બજારો પર પડ્યો. મજબૂત વૈશ્વિક સંકેતો અને ડોલરની સ્થિરતા રોકાણકારો માટે હકારાત્મક સાબિત થયા.
સ્થાનિક સ્તરે મજબૂત જીડીપી વૃદ્ધિની અપેક્ષા, સારા કોર્પોરેટ પરિણામો અને સંસ્થાગત રોકાણકારોની ખરીદી બજારમાં તેજી માટે પ્રેરક બની.
એડવાન્સ-ડિકલાઇન રેશિયો : આજના સેશનમાં એડવાન્સ-ડિકલાઇન રેશિયો સ્પષ્ટ રીતે હકારાત્મક રહ્યો. વધતા શેરોની સંખ્યા ઘટતા શેરોની સરખામણીએ નોંધપાત્ર રીતે વધુ રહી, જે બ્રોડ-બેઝ્ડ રેલી દર્શાવે છે. માત્ર ઇન્ડેક્સ હેવીવેઇટ્સ જ નહીં પરંતુ મિડકેપ અને સ્મોલકેપ શેરોમાં પણ ખરીદી જોવા મળી.
વૈશ્વિક બજારોની અસર : અમેરિકન અને એશિયન બજારોમાં મજબૂતીના સંકેતો મળતાં ભારતીય બજારમાં આત્મવિશ્વાસ વધ્યો. બોન્ડ યીલ્ડમાં સ્થિરતા અને કોમોડિટી ભાવોમાં સંતુલન રોકાણકારો માટે રાહતરૂપ બન્યા.
સ્થાનિક પરિબળો : સ્થાનિક સ્તરે મોંઘવારી કાબૂમાં હોવાની અપેક્ષા, વ્યાજદર સ્થિર રહેવાની શક્યતા અને સરકારના ઇન્ફ્રાસ્ટ્રક્ચર ખર્ચમાં વધારો બજાર માટે પોઝિટિવ ટ્રિગર સાબિત થયા. બેન્કિંગ સેક્ટરમાં લોન વૃદ્ધિ અને એસેટ ક્વોલિટી સુધારાના સંકેતો પણ તેજી માટે જવાબદાર રહ્યા.
સેક્ટરવાઇઝ મૂવમેન્ટ : બેન્કિંગ, ફાઇનાન્સ,આઈટી અને ઓટો સેક્ટરમાં આગેવાની સાથે તેજી જોવા મળી. ખાસ કરીને પ્રાઇવેટ બેન્કો અને મોટા આઈટી શેરોમાં મજબૂત ખરીદી નોંધાઈ. મેટલ અને રિયલ્ટી સેક્ટરમાં પણ સકારાત્મક મૂવમેન્ટ જોવા મળી.ફાર્મા અને એફેમસીજી સેક્ટર સ્થિર રહ્યા, જ્યારે એનર્જી શેરોમાં મર્યાદિત ગતિવિધિ રહી.
કોમોડિટી બજારઃ સોનું, ચાંદી અને મેટલ : સોનાના ભાવમાં નરમાવો જોવા મળ્યો કારણ કે રિસ્ક-ઓન સેન્ટિમેન્ટ વધતાં રોકાણકારોએ ઇક્વિટી તરફ વળાંક લીધો. ચાંદીમાં પણ મર્યાદિત ગતિવિધિ રહી. બેઝ મેટલ્સમાં સ્થિરતા સાથે હળવી તેજી નોંધાઈ, જે મેન્યુફેક્ચરિંગ ડિમાન્ડમાં સુધારાના સંકેત આપે છે.
નિફ્ટી ફ્યુચર ટ્રેન્ડ :
નિફ્ટી ફ્યુચરમાં શરૂઆત તેજી તરફી ટ્રેન્ડમાં જોવાં મળી છે. ટ્રેડિંગના સંદર્ભમાં જોઈએ તો ૨૪૮૦૮ પ્રથમ અને ૨૪૮૮૦ અતિ મહત્વના સ્ટ્રોંગ સપોર્ટ લેવલ છે. ઉપરની તરફ ૨૪૬૩૬ થી ૨૪૬૦૬ ની સપાટી સ્પર્શી શકે છે. ૨૪૫૭૦ પોઈન્ટ નજીક નવી પોઝિશન બનાવતી વખતે સાવધાનીપૂર્વક કામકાજ કરવાની સલાહ છે.
સ્ટોક સ્પેશિફિક ટ્રેન્ડ :
રિલાયન્સ ઇન્ડસ્ટ્રીઝ (૧૨૯૦) : ઓઈલ એન્ડ માર્કેટિંગ કંપની સેક્ટરની આ કંપનીના શેરનો ભાવ હાલમાં રૂ।.૧૩૫૦ આસપાસ પ્રવર્તી રહ્યો છે. રૂ।.૧૩૩૩ ના સ્ટ્રોંગ સપોર્ટથી આ સ્ટોક ટૂંકા સમયગાળે રૂ।.૧૩૭૮ થી રૂ।.૧૩૮૪ આસપાસ ભાવ સપાટી નોંધાવે તેવી શક્યતા છે...!! રૂ।.૧૩૯૦ ઉપર તેજી તરફી ધ્યાન...!!
ઇન્ડસઇન્ડ બેંક (૯૩૪) : એ/ટી+૧ ગ્રુપનો આ સ્ટોક રૂ।.૯૨૩ આસપાસ પોઝીટીવ બ્રેકઆઉટ!! રૂ।.૯૧૬ ના સપોર્ટથી આ સ્ટોક રૂ।.૯૪૯ થી રૂ।.૯૫૫ આસપાસ ભાવ સપાટી નોંધાવે તેવી સંભાવના છે...!!
લોઢા ડેવલપર્સ (૯૨૩) : રૂ।.૯૦૯ નો પ્રથમ તેમજ રૂ।.૮૯૮ બીજા સ્ટ્રોંગ સપોર્ટથી રેસિડેન્શિયલ એન્ડ કોમર્સિયલ પ્રોજેક્ટ્સ સેક્ટરનો રોકાણલક્ષી આ સ્ટોક રૂ।.૯૩૭ થી રૂ।.૯૪૫ આસપાસ ભાવ સપાટી નોંધાવે તેવી શક્યતા છે...!!
અદાણી ગ્રીન (૮૮૦) : પાવર ડિસ્ટ્રિબ્યુશન સેક્ટરનો આ સ્ટોક ટ્રેડીંગલક્ષી રૂ।.૮૯૪ થી રૂ।.૯૯૦ ના ભાવ સપાટીની રેન્જ મુવમેન્ટ ધરાવે છે!! અંદાજીત રૂ।.૮૭૩ નો સ્ટ્રોંગ સપોર્ટ ધ્યાને લેવો...!!!
બજારની ભાવિ દિશા :
આગામી દિવસોમાં યુનાઇટેડ સ્ટેટ્સ ની મોનેટરી પોલિસી, ઈરાન સંબંધિત જીઓ-પોલિટિકલ સમાચાર અને વૈશ્વિક ક્રૂડ ટ્રેન્ડ બજારની દિશા નક્કી કરશે. જો તણાવ નિયંત્રણમાં રહેશે અને વૈશ્વિક સંકેતો સકારાત્મક રહેશે તો બજારમાં તેજી યથાવત રહી શકે છે.કુલ મળીને, આજનું સેશન મજબૂત બુલિશ રેલી તરીકે નોંધાયું, જેમાં વૈશ્વિક રાહત, સ્થાનિક મજબૂતી અને સંસ્થાગત ખરીદીના સંયુક્ત પ્રભાવ હેઠળ બજારે શક્તિશાળી કમબેક નોંધાવ્યો. રોકાણકારો માટે હાલ ટ્રેન્ડ પોઝિટિવ છે, પરંતુ જોખમ મેનેજમેન્ટ અને વૈશ્વિક સમાચારપ્રવાહ પર નજર રાખવી જરૂરી રહેશે.જો કે બજારમાં તેજી રહી, પરંતુ કેટલાક જોખમો યથાવત છે. મધ્યપૂર્વમાં ફરી તણાવ વધે અથવા ક્રૂડ ઓઇલમા ં અચાનક તેજી આવે તો બજારમાં ફરી દબાણ સર્જાઈ શકે છે. ડોલર મજબૂત બનવાથી એફઆઈઆઈ પ્રવાહમાં ઘટાડો થવાની શક્યતા છે.
અન્ય સમાચારો
