Author: નોબત સમાચાર
ધ્રોલમાં મોડીરાત્રે જામેલા જુગાર પર દરોડો રૂ.૯૧ હજારના મુદ્દામાલ સાથે છ પકડાયા
મેડી ગામમાં તીનપત્તી રમતા છ સામે ગુન્હોઃ
જામનગર તા. ૨૨: જામનગરના મેડી ગામમાં ગંજીપાનાથી જુગાર રમતા છ શખ્સ ઝડપાયા છે. ધ્રોલમાંથી પણ મોડીરાત્રે છ પત્તાપ્રેમી પકડાઈ ગયા છે. હાપામાંથી વર્લીબાજની અટકાયત કરાઈ છે.
જામનગર તાલુકાના મેડી ગામમાં ગઈરાત્રે એક ઝાડ નીચે જુગારની મહેફિલ જામી હોવાની બાતમી પરથી પંચકોશી એ ડિવિઝનના સ્ટાફે એક વાગ્યે દરોડો પાડ્યો હતો. ત્યાં તીનપત્તી રમતા દિલીપ થોભણભાઈ જાવીયા, શૈલેષ વિનોદભાઈ ગોહિલ, પ્રેમજીભાઈ મેઘજીભાઈ ગોહિલ, રમેશ દયાળજીભાઈ વડગામા, અમરશી લખુભાઈ ભીમાણી, મનસુખભાઈ બાલકદાસ અગ્રાવત નામના છ શખ્સ મળી આવ્યા હતા. પટમાંથી પોલીસે રૂ.૫૩૮૦ રોકડા કબજે કર્યા છે.
ધ્રોલ શહેરના ખાટકી વાસના નાકા પાસે ગઈરાત્રે બે વાગ્યે ગંજીપાના વડે જુગાર રમતા નવાઝ ગફારભાઈ ચાવડા, આબીદ ગુલામહુસેન જુણેજા, હયુમ હનીફ બ્લોચ ઉર્ફે ગટુ, હેમંત પ્રેમજીભાઈ પારઘી, હુસેન ગફાર કટારીયા ઉર્ફે ઈતેડી, મુજતબા આબુભાઈ દલ નામના છ શખ્સ પોલીસના દરોડામાં પકડાઈ ગયા છે. પટમાંથી રૂ.૧૦૯૫૦ રોકડા, છ મોબાઈલ, ત્રણ મોટરસાયકલ કબજે કરવામાં આવ્યા છે.
જામનગર નજીકના હાપામાં રેલવે સ્ટેશન પાસે આવેલા ચાંદની ચોકમાં શનિવારે સાંજે જાહેરમાં ઊભા રહી વરલીના આંકડા લખતા પ્રવીણ વલ્લભભાઈ સીપરીયા નામના શખ્સને પકડી લઈ તેની પાસેથી વરલીનું સાહિત્ય તથા રોકડ કબજે લીધા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
