Author: નોબત સમાચાર
જગતમંદિરમાં દર્શનાર્થે આવેલા અમદાવાદના યાત્રાળુએ પોલીસકર્મીનો બોચો પકડ્યો
વર્દી ઉતરાવી લેવાની ધમકી પણ આપીઃ
જામનગર તા. ૨૮: દ્વારકા સ્થિત જગતમંદિરમાં ગઈકાલે બપોરે અમદાવાદના એક યાત્રાળુએ મંદિરમાંથી બહાર નીકળવાના રસ્તા પરથી અંદર જવાની જીદ્દ કર્યા પછી ત્યાં હાજર પોલીસ કર્મચારી સાથે ઝપાઝપી કરી ફડાકો ઝીંકવા ઉપરાંત વર્દી ઉતારી લેવાની ધમકી આપતા ગુન્હો નોંધાયો છે.
દ્વારકાના પોલીસ મથકમાં ફરજ બજાવતા અને દ્વારકાધીશ મંદિરની સુરક્ષા માટે ત્યાં મુકવામાં આવેલા ગીરૂભા રઘુભા જાડેજા નામના પોલીસ કર્મચારી ગઈકાલે બપોરે પોતાની ફરજ બજાવતા હતા ત્યારે મંદિરના બહાર નીકળવાના રસ્તા પરથી એક શખ્સે અંદર દર્શન કરવા જવા માટે જીદ્દ પકડી હતી. તેને ગીરૂભાએ આ રસ્તે ન જવા જણાવ્યું હતંુ.
આ વેળાએ ઉશ્કેરાયેલા અમદાવાદના સાળંગપુરમાં કુકડીયા પોળમાં રહેતા હરીન દિવ્યાંકભાઈ પંડયાએ ગાળો ભાંડી આ પોલીસકર્મીને જોઈ લેવાની અને સસ્પેન્ડ કરાવવા ધમકી આપી કોલર પકડી લીધો હતો અને ફડાકો ઝીંકી દીધો હતો.
આ બાબતે દ્વારકા પોલીસ મથકમાં ગીરૂભા રઘુભાએ ફરિયાદ નોેંધાવી છે. ફરજ રૂકાવટ સહિતની કલમો હેઠળ ગુન્હો નોંધવામાં આવ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
