Author: નોબત સમાચાર
કડિયાવાડમાં શખ્સના મકાનમાંથી ઈંગ્લીશ દારૂના ૬૦ ચપલા કબજે કરતી એલસીબી
ગોકુલનગર પાસેથી બીયરના ત્રણ ટીન કબજેઃ
જામનગર તા. ૨૯: જામનગરના કડિયાવાડ વિસ્તારમાં આવેલી મોટુ ફળીમાં વસવાટ કરતા એક શખ્સના મકાનમાંથી એલસીબીએ ઈંગ્લીશ દારૂના ૬૦ ચપલા કબજે કર્યા છે. આ શખ્સે સપ્લાયરનંુ નામ આપ્યું છે. જ્યારે ગોકુલનગર પાસેથી એક શખ્સ બીયરના ત્રણ ટીન સાથે ઝડપાયો છે.
જામનગરના કડિયાવાડ વિસ્તારમાં આવેલી મોટુ ફળીમાં એક શખ્સના મકાનમાં ઈંગ્લીશ દારૂના ચપલા પડ્યા હોવાની બાતમી પરથી ગઈકાલે બપોરે એલસીબી સ્ટાફે પીઆઈ વી.એમ. લગારીયાની સૂચના અને પીએસઆઈ પી.એન. મોરી, સી.એમ. કાંટેલીયાના વડપણ હેઠળ દરોડો પાડ્યો હતો.
ત્યાં આવેલા હીરેન પ્રાણલાલ વસાણી ઉર્ફે પોપટ નામના શખ્સના મકનમાં એલસીબીએ તલાસી લેતા ત્યાંથી ઈંગ્લીશ દારૂના ૬૦ ચપલા મળી આવ્યા હતા. રૂ.૧૨ હજારનો દારૂનો જથ્થો કબજે કરી એલસીબીએ આરોપી હીરેન વસાણીની પૂછપરછ કરતા તેણે આ જથ્થો રોહિત જયંતિભાઈ ચાવડા ઉર્ફે ગટી નામના કડિયાવાડના શખ્સ પાસેથી લીધો હોવાની કબૂલાત કરી છે. બંને સામે સિટી બી ડિવિઝનમાં ગુન્હો રજીસ્ટર કરાવાયો છે.
જામનગરના ગોકુલનગર વિસ્તારમાં આશાપુરા સર્કલ પાસેથી શિવનગરની શેરી નં.૩માં રહેતા વિજયસિંહ કુંવરસિંહ ચુડાસમા નામના શખ્સને બીયરના ત્રણ ટીન સાથે પોલીસે પકડી લીધો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
