Author: નોબત સમાચાર
જમવાનું આપવાની બાબતે બોલાચાલી પછી ખીરી પાસેની હોટલમાં યુવાન પર ઘાતક હુમલો
હોટલના થડે બેસેલા શખ્સે છરીના ઘા ઝીંકી દીધાઃ
જામનગર તા. ૧૧: જામનગર-જોડિયા ધોરીમાર્ગ પર આવેલા ખીરી ગામ નજીકની એક હોટલમાં રવિવારની રાત્રે જમવા ગયેલા એક ટ્રક ડ્રાઈવરને જમવાનું આપવાની બાબતે બોલાચાલી થતાં હોટલના કાઉન્ટર પર હાજર શખ્સે છરીથી હુમલો કરી આ યુવાનની હત્યાનો પ્રયાસ કર્યાે હતો. પોલીસે ગુન્હો નોંધી હુમલાખોરની ધરપકડ માટે તજવીજ હાથ ધરી છે.
જામનગર-જોડિયા ધોરીમાર્ગ પર આવેલા જાંબુડા ગામમાં રહેતા અને ટ્રાન્સપોર્ટનો વ્યવસાય કરતા રાજભા બાબુભાઈ ગઢવી નામના ટ્રાન્સપોર્ટરને ત્યાં ટ્રક ચલાવવાનું કામ કરતા નિલેશ ભીમાભાઈ વિરમગામા અને તેમના મિત્ર ઈકબાલ રવિવારે રાત્રે બાલાચડીથી આગળ ખીરી સર્કલ પાસે આવેલી શિવ લહેરી હોટલમાં જમવા માટે ગયા હતા.
આ વેળાએ જમવાનું આપવાની બાબતે બોલાચાલી થયા પછી હોટલના કાઉન્ટર પર બેસેલા નરેન્દ્રસિંહ સરવૈયા નામના શખ્સે ઝઘડો કર્યા પછી નિલેશ પર છરીથી હુમલો કર્યાે હતો. આ શખ્સે પેટ, પડખા તથા છાતીમાં છરી હુલાવી દેતા લોહીલુહાણ બની નિલેશ ઢળી પડ્યો હતો. ગંભીર ઈજા પામેલા આ યુવાનને સારવારમાં ખસેડવામાં આવ્યો છે. ટ્રાન્સપોર્ટર રાજભાએ જોડિયા પોલીસ સ્ટેશનમાં નરેન્દ્રસિંહ સરવૈયા સામે ફરિયાદ નોંધાવી છે. પોલીસે હત્યા પ્રયાસ સહિતની કલમો હેઠળ ગુન્હો નોંધ્યો છે અને ઈન્ચાર્જ ગ્રામ્ય ડીવાયએસપી જે.એન. ઝાલાના વડપણ હેઠળ પીએસઆઈ કે.ડી. જાડેજાએ તપાસ શરૂ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
