Author: નોબત સમાચાર
જામનગરની સરકારી જી.જી. હોસ્પિ.માં રેન બસેરાની સુવિધા બાબતે રજૂઆત
ધારાસભ્ય રવિબા જાડેજા દ્વારા
જામનગર તા. ર૯: જામનગરની સરકારી જી.જી. હોસ્પિટલનું વિશાળ અને આધુનિક નવું બિલ્ડીંગ બનાવવાની રાજ્ય સરકાર દ્વારા કાર્યવાહી હાથ ધરવામાં આવી છે, ત્યારે આ હોસ્પિટલની આસપાસની જુની પોલીસ લાઈનવાળી પડતર જગ્યામાં જી.જી. હોસ્પિટલની માલિકીની ખાલી જગ્યામાં અથવા પથિકાશ્રમવાળી જગ્યામાં દર્દીઓના સગાવ્હાલાઓ માટે રહેવાની વ્યવસ્થા અર્થે રેન બસેરાની સુવિધા ઉપલબ્ધ કરવા ૭૮-જામનગર વિસ્તારના ધારાસભ્ય રિવાબા જાડેજાએ રાજ્યના આરોગ્ય મંત્રીને આવેદનપત્ર પાઠવી રજૂઆત કરી છે.
અત્યારે જી.જી. હોસ્પિટલમાં દાખલ થતા દર્દીઓના સગાઓને રહેવા માટે જગ્યા ઉપલબ્ધ નહીં હોવાથી પાર્કિંગની જગ્યામાં અથવા ઓપીડી બંધ હોય તેના બહારના એરિયામાં સુવાની-રહેવાની ફરજ પડે છે.
ગુજરાતની બીજા નંબરની અને સૌરાષ્ટ્રની પ્રથમ નંબરની ગણાતી આ સરકારી હોસ્પિટલમાં જામનગર જિલ્લો તેમજ આસપાસના ચાર જિલ્લામાંથી અનેક દર્દીઓ સારવાર માટે આવે છે.
જ્યારે જી.જી. હોસ્પિટલનું નવું બિલ્ડીંગ બનશે અને તેમાં હાલની હોસ્પિટલમાં છે તેના કરતા અનેકગણી સુવિધાઓમાં વધારો થનાર છે, જેથી સારવાર માટે દર્દીઓની સંખ્યામાં પણ વધારો થશે, તેમની સાથે તેમના સગાવ્હાલા પણ આવશે. આ સ્થિતિને ધ્યાનમાં લઈને જી.જી. હોસ્પિટલમાં દર્દીઓના સગા-વ્હાલાઓને પ્રાથમિક જરૂરિયાત સાથેની પર્યાપ્ત સુવિધા સાથેના રેનબસેરાનું પણ નિર્માણ કરવા ધારાસભ્ય રિવાબા જાડેજાએ રજૂઆત કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
