આઈએનએસ વિક્રાંત પર નૌકાદળ સાથે દિવાળી ઉજવતા મોદીએ કહ્યુઃ સૌભાગ્યશાળી છું !

Author: નોબત સમાચાર

આઈએનએસ વિક્રાંત પર નૌકાદળ સાથે દિવાળી ઉજવતા મોદીએ કહ્યુઃ સૌભાગ્યશાળી છું !

વડાપ્રધાન બન્યા પછીની દર વર્ષની પરંપરા જાળવી રાખી

નવી દિલ્હી તા. ૨૦: વડાપ્રધાન નરેન્દ્ર મોદીએ નેવી સાથે આઈએનએસ વિક્રાંત પર દિવાળી ઉજવી હતી અને કહ્યું હતું કે, સૌભાગ્યશાળી અનુભવું છું...

વડાપ્રધાન નરેન્દ્ર મોદીએ ૨૦૧૪થી ચાલી આવતી પોતાની પરંપરાને જાળવી રાખતા, આ વર્ષે પણ દિવાળીનો તહેવાર સશસ્ત્ર દળોના જવાનો સાથે ઉજવ્યો હતો.

આ વખતે તેમણે ભારતના સ્વદેશી વિમાનવાહક જહાજ આઈએનએસ વિક્રાંત પર તૈનાત નૌસેનાના જવાનો સાથે દિવાળીની ઉજવણી કરી, જે આત્મનિર્ભર ભારતના પ્રતિક સમાન છે. આજે સવારે જવાનોને સંબોધિત કરતાં વડાપ્રધાન મોદીએ કહૃાું, *આ વર્ષે સ્વદેશી વિમાનવાહક જહાજ આઈએનએસ વિક્રાંત પર નૌસેનાના કર્મીઓ વચ્ચે દિવાળી મનાવીને હું મારી જાતને સૌભાગ્યશાળી અનુભવી રહૃાો છું.* તેમણે આ ઉજવણીને દેશના સૈનિકોના સાહસ, શૌર્ય અને સમર્પણને સલામ કરવાનો અવસર ગણાવ્યો હતો.

આ વિમાનવાહક જહાજ પર રાત્રિ રોકાણના પોતાના અનુભવનો ઉલ્લેખ કરતા પીએમ મોદી ભાવુક થયા હતા. તેમણે કહૃાું, *હું ગઇકાલથી તમારી વચ્ચે છું અને દરેક ક્ષણે મેં કંઈક ને કંઈક શીખ્યું છે. તમારું સમર્પણ એટલું ઊંચું છે કે હું તેને જીવી તો ન શક્યો, પરંતુ મેં તેને ચોક્કસપણે અનુભવ્યું છે.* તેમણે એમ પણ કહૃાું કે રાત્રે ઊંડા સમુદ્ર અને સવારના સૂર્યોદયને જોવાથી તેમની દિવાળી વધુ ખાસ બની ગઈ છે.

પોતાના સંબોધનમાં કાવ્યાત્મક અંદાજ અપનાવતા તેમણે કહૃાું, *આજે, એક તરફ મારી પાસે અનંત ક્ષિતિજ અને અનંત આકાશ છે, અને બીજી તરફ અનંત શક્તિઓનું પ્રતિક આ વિશાળકાય આઈએનએસ વિક્રાંત છે. સમુદ્રના પાણી પર સૂર્યના કિરણોની ચમક, બહાદુર સૈનિકો દ્વારા પ્રગટાવવામાં આવેલા દિવાળીના દીવા જેવી લાગે છે.*

વડાપ્રધાને નૌસેનાના કર્મીઓ દ્વારા ગાવામાં આવેલા દેશભક્તિના ગીતોની પણ પ્રશંસા કરી. તેમણે કહૃાું કે આ ગીતોમાં જે ભાવના હતી, તેને શબ્દોમાં વર્ણવી શકાય નહીં. આ પ્રકારની ઉજવણીનો મુખ્ય ઉદ્દેશ્ય તહેવારોના દિવસે પોતાના પરિવારોથી દૂર, દેશની સેવામાં તૈનાત જવાનોનું મનોબળ વધારવાનો અને તેમને એ અહેસાસ કરાવવાનો છે કે સમગ્ર દેશ તેમની સાથે ઉભો છે.

જો આપને આ પોસ્ટ ગમી હોય તો શેર કરો...