Author: નોબત સમાચાર
ભાણવડમાં લાંચ કેસમાં સિટી સર્વેના કર્મી અને વચેટીયાને ચાર વર્ષની કેદની સજા
જરૂરી રેકર્ડની નકલ આપવા માટે માંગી લાંચઃ
જામનગર તા. ૨૧: દેવભૂમિ દ્વારકા જિલ્લાના ભાણવડના સિટી સરવે કચેરીના કર્મચારી અને તેના લાંચ સ્વીકાર વચેટીયાને અદાલતે ચાર વર્ષની સજા ફટકારી છે.
આ કેસની વિગત એવી છે કે, વર્ષ ૨૦૧૪માં ભાણવડના રહેવાસીએ પોતાના મકાનનું ટાઈટલ ક્લિયર સર્ટી.ની જરૂરિયાત ઉભી થતાં રેકર્ડની નકલ મેળવવા માટે ભાણવડની સિટી સરવે કચેરીમાં અરજી કરી હતી. તે સમયે સિટી સરવે કચેરીના મેઈન્ટેનન્સ સર્વેયર લખમણભાઈ રામજીભાઈ સાગઠીયાએ રૂ.૨૦ હજારની લાંચની માગણી કરી હતી. આ પછી રકઝકના અંતે રૂ.૧૦ હજારની રકમ ફાઈનલ થઈ હતી. આ અંગે અરજદાર દ્વારા લાંચ રૂશ્વત વિરોધી શાખામાં ફરિયાદ કરવામાં આવતા પોલીસ ઈન્સ. બી.ડી. જાડેજાએ છટકુ ગોઠવ્યું હતું અને આરોપી લક્ષ્મણભાઈ વતી લાંચ સ્વીકાર પુંજાભાઈ માલદેભાઈ કારેણાને રંગેહાથ ઝડપી લેવામાં આવ્યા હતા. આ બાબતે બંને આરોપીઓ સામે પોલીસે ગુન્હો નોંધી અદાલતમાં ચાર્જશીટ રજૂ કર્યું હતું. આ અંગેનો કેસ ખંભાળિયાના પ્રિન્સી. સેશન્સ અને સ્પે. જજ એસ.વી. વ્યાસની અદાલત સમક્ષ ચાલી જતાં તમામ દલીલોને સાંભળ્યા પછી અદાલતે બંને આરોપીઓને ચાર વર્ષની કેદની સજા અને રૂ.પ હજારના દંડનો હુકમ કર્યાે છે. આ કેસમાં સરકાર તરફે વકીલ કમલેશકુમાર સી. દવે રોકાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
