Author: નોબત સમાચાર
જોગવડમાં પરપ્રાંતીય યુવાનની હત્યા કરી નાખનાર બે આરોપીને દબોચાયા
મોબાઈલ પર મોટા અવાજે વાત કરવાના મુદ્દે બબાલઃ
જામનગર તા. ૨૨: લાલપુરના જોગવડમાં મોબાઈલ પર મોટા અવાજે વાત કરવાના મુદ્દે રવિવારે એક પરપ્રાંતીય યુવાનની તેની સાથે જ કંપનીમાં નોકરી કરતા શખ્સે લાકડી, ગેસ ભરવાની નળીથી હુમલો કરી હત્યા કરી નાખી હતી. આ બંને આરોપીને પોલીસે દબોચી લીધા છે.
લાલપુર તાલુકાના જોગવડ નજીક આવેલા રામદૂતનગરમાં રવિવારની રાત્રે મૂળ ઉત્તરપ્રદેશના ફરૃખાબાદ જિલ્લાના વતની અને સોનુ ઈન્ફ્રા. લિમિટેડ નામની કંપનીની લેબર કોલોનીમાં રહેતા દિલીપકુમાર મંગલસિંગ શ્રીવાસ્તવ નામના યુવાન મોબાઈલમાં મોટા અવાજે વાત કરતા હતા. ત્યારે તે જ લેબર કોલોનીમાં રહેતા આકાશ દીપકસિંગે ધીમા અવાજે વાત કરવાનું કહેતા ઝઘડો થયો હતો.
ત્યારપછી આકાશ તથા અવનીશ સુરેન્દ્રસિંગ ઠાકુરે લાકડી તથા ગેસની નળીથી હુમલો કરી દિલીપકુમારને આડેધડ માર માર્યાે હતો. ગંભીર ઈજા પામેલા આ યુવાનનું મૃત્યુ નિપજતા આ બનાવ હત્યામાં પલટાયો હતો. મૃતકના ભાઈએ પોલીસમાં નોંધાવેલી ફરિયાદના પગલે મેઘપર પોલીસે પીઆઈ પી.ટી. જયસ્વાલના વડપણ હેઠળ તપાસ શરૃ કરી હતી.
જેમાં મૂળ ઉત્તરપ્રદેશના મેનપુરી જિલ્લાના મહેલોઈ ગામના વતની અવનીશ તથા આકાશ દિપકસિંગ ઝડપાઈ ગયા છે. બંને શખ્સની પોલીસે ધરપકડ કરી આગળની કાર્યવાહી હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
