Author: નોબત સમાચાર
દ્વારકાના પોલીસ વિભાગનું રેન્જ આઈજી દ્વારા કરવામાં આવ્યું વાર્ષિક ઈન્સ્પેક્શન
દરિયાઈ સુરક્ષાને અનુલક્ષીને સૂચનો અપાયાઃ
ખંભાળીયા તા. ૮: દેવભૂમિ દ્વારકા જિલ્લાના પોલીસતંત્રનું રેન્જ આઈજી દ્વારા વાર્ષિક ઈન્સ્પેક્શન કરવામાં આવ્યું હતું. તે ઉપરાંત દરિયાઈ સુરક્ષાને અનુલક્ષીને તેમજ આગામી તહેવારોમાં ટ્રાફિક માટે ચાંપતી વ્યવસ્થા ગોઠવવા સૂચન આપવામાં આવ્યા હતા.
દેવભૂમિ દ્વારકા જિલ્લાના પોલીસંત્રના વાર્ષિક ઈન્સ્પેક્શન માટે રાજકોટ રેન્જના આઈજી અશોકકુમાર યાદવ ગઈકાલે દ્વારકા જિલ્લામાં આવી પહોંચ્યા હતા. તેઓએ ઈન્સ્પેક્શન પછી સામાજિક આગેવાનો તથા અધિકારીઓ સાથે બેઠક યોજી હતી.
સંવેદનશીલ ગણાતા સરહદી જિલ્લા દ્વારકાની દરિયાઈ સુરક્ષા વ્યવસ્થાની કામગીરીની સમીક્ષા કરવા ઉપરાંત રેન્જ આઈજીએ દ્વારકાધીશ મંદિરની સુરક્ષાની સમીક્ષા કરી હતી. દરિયાઈ પટી પરના વિવિધ મહાકાય ઉદ્યોગગૃહોની સુરક્ષાની પણ વિગતો રેન્જ આઈજીએ મેળવી હતી.
તે ઉપરાંત આગામી દિવસોમાં આવી રહેલા દિવાળીના તહેવારોમાં દ્વારકા તથા નજીકના પ્રવાસન અને ધાર્મિક સ્થળોએ ટ્રાફિક વ્યવસ્થા ન ખોરવાય અને ભાવિકોને ભીડનો સામનો ન કરવો પડે તે માટે ચર્ચા વિચારણાના અંતે રેન્જ આઈજીએ સૂચનો કર્યા હતા. પાકિસ્તાની તદ્દન નજીક આવેલા દ્વારકા જિલ્લામાં એલસીબી, એસઓજી સહિતની સુરક્ષા એજન્સીઓ દ્વારા બોટ દ્વારા પેટ્રોલીંગ, ટેકનિકલ સર્વેલન્સ સઘન બનાવવા સૂચના આપવામાં આવી હતી.
દ્વારકા જિલ્લામાં ગુન્હાખોરી પર પોલીસના પૂરતા કંટ્રોલ તથા જરૂરી પગલાંની સાથે ગુન્હાઓના ડીટેક્શન અંગે પણ રેન્જ આઈજીએ અભિનંદન પાઠવ્યા હતા. તેમજ સાયબર ક્રાઈમમાં નોંધાતા વધારાને ડામવા જાગૃતિ લાવવા સાયબર વિભાગને ખાસ તાલીમ આપવા ઉપરાંત નાગરિકોને પણ સાવચેત રહેવા અપીલ કરવામાં આવી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
